নিউজ ডেস্ক, 2 নৱেম্বৰ :আজি ৰাজ্যৰ পাঁচটা সমষ্টিত ঘোষণা হ’ব উপ-নিৰ্বাচন(Bypolls)ৰ ফলাফল ৷ 30 অক্টোবৰত পাঁচটা সমষ্টি ক্ৰমে- 28 নং গোসাঁইগাঁও, 41 নং ভৱানীপুৰ, 58 নং তামুলপুৰ, 101 নং মৰিয়নী আৰু 107 নং থাওৰা সমষ্টিত অনুষ্ঠিত হৈছিল উপ-নিৰ্বাচন ৷ এইবাৰৰ উপ-নিৰ্বাচনত মুঠ ভোটাৰৰ সংখ্যা আছিল 7,96,456 গৰাকী ৷
মুঠ ভোটাৰৰ পুৰুষৰ সংখ্যা আছিল 4,03,374 গৰাকী, মহিলা ভোটাৰ আছিল 3,93,078 গৰাকী আৰু 4 গৰাকী আছিল তৃতীয় লিংগৰ ভোটাৰ ৷ আনহাতে নিৰ্বাচনত প্ৰতিদ্বন্দিতা আগবঢ়োৱা প্ৰাৰ্থীৰ সংখ্যা আছিল 31 গৰাকী ৷
নিৰ্বাচন আয়োগে(Election Commission) প্ৰকাশ কৰা তথ্য অনুসৰি, গোসাঁইগাঁও সমষ্টি(Gossaigaon Constituency)ত 77.37 শতাংশ, ভৱানীপুৰ সমষ্টি(Bhawanipur Constituency)ত 78 শতাংশ, তামুলপুৰ সমষ্টি(Tamulpur Constituency)ত 67.88 শতাংশ, মৰিয়নী সমষ্টি(Mariani Constituency)ত 75.07 শতাংশ আৰু থাওৰা সমষ্টি(Thowra Constituency)ত 73.38 শতাংশ ভোটদান সম্পন্ন হয় ।