জনীয়া,23 নৱেম্বৰ : বৰপেটা জিলাৰ জনীয়া সমষ্টিৰ অন্তৰ্গত সাওঁৰাচৰা এম কে উচ্চতৰ মাধ্যমিক বিদ্যালয়ৰ খেলপথাৰত দেওবাৰে বামুনটাৰী আজাদ ক্লাৱ আৰু সাওঁৰাচৰা গ’ল্ডষ্টাৰ ক্লাৱৰ মাজত অনুষ্ঠিত হয় ফুটবল খেল প্ৰতিযোগিতাৰ চুড়ান্ত খেলখন ৷ সদৌ অসম সংখ্যালঘু ছাত্ৰ সন্থা চমুকৈ আমছুৰ কলগাছিয়া জিলা সমিতিৰ সহযোগত আৰু সাঁওৰাচৰা চিকনী শোঁলমাৰী আঞ্চলিক আমছুৰ উদ্যোগত ডাবল ট্ৰফি প্ৰাইজ মানি ফুটবল খেলৰ চুড়ান্ত খেলখন উদ্বোধন কৰে আমছুৰ কেন্দ্ৰীয় সমিতিৰ প্ৰচাৰ সম্পাদক লুৎফৰ ৰহমান খানে ৷
1-1 গ'লত খেলখন অমীমাংসিত হৈ ৰয় যদিও ট্ৰাইব্ৰেকাৰত বামুনটাৰী আজাদ ক্লাৱক 3-4 গ’লৰ ব্যৱধানত পৰাস্ত কৰি সাওঁৰাচৰা গ’ল্ডষ্টাৰ ক্লাৱে বিজয় সাব্যস্ত কৰিবলৈ সক্ষম হয় । এই ৰোমাঞ্চকৰ চুড়ান্ত খেলখনত বামুনটাৰী আজাদ ক্লাৱৰ হৈ অমৃত ঠাকুৰীয়া আৰু সাওঁৰাচৰা গ’ল্ডষ্টাৰ ক্লাৱৰ হৈ আমিৰুল ইছলামে এটা গ’ল দিয়ে ।