হোজাই,23 নৱেম্বৰ : দিব্যাংগসকলৰ জীৱনক লৈ হেতালি খেলিছে হোজাইৰ এজন লোকে ৷ হোজাই জিলাৰ উদালীৰ কমৰউদ্দিন নামৰ লোকজনে বৃহত্তৰ উদালী অঞ্চলৰ দুখীয়া দিব্যাংগ লোকৰ পৰা প্ৰমাণ পত্ৰ,পেন্সন আৰু চৰকাৰৰ বিভিন্ন আঁচনিৰ সুবিধা দিয়াৰ প্ৰলোভন দেখুৱাই ধন আত্মসাৎ কৰাৰ অভিযোগ উত্থাপন হৈছে । কিন্তু কমৰউদ্দিনৰ পৰা দিব্যাংগ লোকসকলে কোনো চৰকাৰী সা-সুবিধা নোপোৱাত অতিষ্ঠ হৈ দেওবাৰে আৰক্ষী চকীত এখন এজাহাৰ দাখিল কৰে ৷
দিব্যাংগ লোকৰ পৰা ধন লুণ্ঠন
হোজাই জিলা দিব্যাংগ মঞ্চৰ সহযোগত অভিযুক্ত প্ৰৱঞ্চক কমৰউদ্দিনৰ বিৰুদ্ধে এজাহাৰ দাখিল কৰে দিব্যাংগসকলে ৷ 30 জনতকৈও অধিক দিব্যাংগ লোকে একেলগে একেখন এজাহাৰতেই স্বাক্ষৰ কৰে ৷ শীঘ্ৰেই কমৰউদ্দিনৰ বিৰুদ্ধে কঠোৰ ব্য়ৱস্থা গ্ৰহণ কৰিবলৈ প্ৰশাসনক আহ্বান জনায় ভুক্তভোগী দিব্যাংগসকলে ৷
লগতে পঢ়ক : কৰিমগঞ্জত ডকাইতি কৰিবলৈ আহি আটক দুই ডকাইত
