তিনিচুকীয়া, 15 আগষ্ট :সমগ্ৰ দেশৰ লগতে তিনিচুকীয়া আই টি আই খেলপথাৰত আনুষ্ঠানিকভাৱে উদযাপন কৰা হয় দেশৰ 75 সংখ্যক স্বাধীনতা দিৱস । কটকটীয়া নিৰাপত্তা বেষ্টনীৰ মাজতে ক’ভিড প্ৰট'কল মানি অনাড়ম্বৰপূৰ্ণ ভাৱে আনুষ্ঠিত কৰা হয় স্বাধীনতা দিৱসৰ অনুষ্ঠান ।
তিনিচুকীয়াত 75 সংখ্যক স্বাধীনতা দিৱস উদযাপন
উক্ত অনুষ্ঠানত মুখ্য অতিথি হিচাপে উপস্থিত থাকে অসম চৰকাৰৰ ৰাজহ আৰু দুৰ্যোগ ব্যৱস্থাপনা মন্ত্ৰী যোগেন মহন, তিনিচুকীয়া জিলা উপায়ুক্ত পাৱাৰ নৰ্ছিং সম্ভাজীৰ লগতে জিলাখনৰ বিভিন্ন গণ্য-মান্য ব্যক্তিসকল । দেওবাৰে পুৱা 9 বজাত তিনিচুকীয়া আই টি আই খেলপথাৰত অসম চৰকাৰৰ ৰাজহ আৰু দুৰ্যোগ ব্যৱস্থাপনা মন্ত্ৰী যোগেন মহনে আনুষ্ঠানিক ভাৱে জাতীয় পতাকা উত্তোলন কৰে ।