AUDI বাহনসহ নুনমাটি আৰক্ষীৰ জালত অভিজাত এ টি এম চোৰ

গুৱাহাটী, 10 জুন : এইবাৰ মহানগৰীত বিলাতী চোৰৰ টিঘিলঘিলনি ৷ মহানগৰ আৰক্ষীৰ জালত পৰিছে বিলাসী AUDI বাহনসহ ৰমেশ আলী নামৰ এটা অভিজাত চোৰ । মহানগৰীৰ বিভিন্ন এ টি এমত প্ৰৱঞ্চনাৰ জাল পেলাই বিশেষ কায়দাৰে সাধৰণৰ লোকৰ পৰা ধন লুট কৰা এই অভিজাত চোৰটোক দেওবাৰে নিশা নুনমাটি আৰক্ষীয়ে গ্ৰেপ্তাৰ কৰে ।

ধৃত ৰমেশ আলীৰ ঘৰ বৰপেটাৰ কয়াকুছিত বুলি জানিবলৈ পৰা গৈছে । এক গোপন সূত্ৰৰ পম খেদি নুনমাটি আৰক্ষীয়ে দেওবাৰে নিশা মহানগৰীৰ ছয়মাইল জয়া নগৰৰ পৰা বিলাসী কলা ৰঙৰ ASO1 FY 3823 নম্বৰৰ AUDI বাহনসহ আটক কৰে চোৰটোক ৷