গুৱাহাটী, ৬ অক্টোবৰ: মাজুলীৰ প্ৰতিভাৱান কণ্ঠশিল্পী তেজস্বিতা বৰুৱাৰ মৃত্যু সন্দৰ্ভত ৰাইজৰ দলৰ সভাপতি অখিল গগৈয়ে তীব্ৰ প্ৰতিক্ৰিয়া প্ৰকাশ কৰিছে(Akhil Gogoi's reaction on Tejaswita Baruah Death) । মাজুলীৰ প্ৰতিভাৱান কণ্ঠশিল্পী তেজস্বিতা বৰুৱাৰ মৃত্যুৰ ঘটনাটোৱে অসমৰ চৰকাৰী চিকিৎসা ব্যৱস্থাৰ ফোপোলাস্বৰূপ দাঙি ধৰিছে বুলি ৰাইজৰ দলৰ সভাপতি অখিল গগৈয়ে অভিযোগ কৰে ।
তেওঁ কয়, "কণ্ঠশিল্পী তেজস্বিতা বৰুৱাৰ মৃত্যুৰ ঘটনাটোৱে আমাক শোকাকুল কৰাৰ লগতে ক্ষোভিত কৰিছে । এই ঘটনাই আমাৰ মনত ঘৃণাৰ সৃষ্টি কৰিছে । তেজস্বিতা বৰুৱাৰ দৰে এগৰাকী প্ৰতিভাৱান সংগীত শিল্পীয়ে অকালতে মৃত্যুক সাৱটি লোৱা ঘটনাটো অতি দুখজনক ।" উল্লেখ্য যে, গীত- নৃত্যৰে জনতাক মোহছন্ন কৰা মাজুলী কমলাবাৰীৰ দৰিয়া গাঁৱৰ জনপ্ৰিয় শিশুশিল্পী তেজস্বিতা বৰুৱাৰ(১৪) বুধবাৰে আকস্মিকভাৱে মৃত্যু হয় (Tejaswita Baruah death) ।
ঘৰৰ ওচৰতে আয়োজন কৰা অনুষ্ঠানত বৰগীত পৰিবেশন কৰিবলৈ যোৱা তেজস্বিতা বৰুৱা হঠাৎ অসুস্থ হৈ পৰাত লগে লগে গড়মূৰ অসামৰিক চিকিৎসালয়লৈ নিয়া হয়(Garmur District Civil Hospital) ৷ কিন্তু চিকিৎসালয়ত চিকিৎসাধীন অৱস্থাত অক্সিজেনৰ অভাৱত মৃত্যু হয় (Majuli Tejaswita Baruah Death) । প্ৰতিভাৱান তেজস্বিতাৰ আকস্মিক মৃত্যুক সহজভাৱে মানি ল’ব পৰা নাই মাজুলীবাসীয়ে । চিকিৎসকৰ গাফিলতিৰ বাবেই শিশুশিল্পীগৰাকীৰ মৃত্যু হোৱা বুলি অভিযোগ উত্থাপন হৈছে (Tejaswita Baruah's death to be probed) ।