মৰাণ, 27 অক্টোবৰ : ডিব্ৰুগড় জিলাৰ খোৱাঙত ক'ভিড পৰিস্থিতি এতিয়াও উন্নত হোৱা নাই । খোৱাং ব্ল’ক প্ৰাথমিক স্বাস্থ্যকেন্দ্ৰৰ তথ্য অনুসৰি বিগত ১০ দিনত খোৱাং ব্ল’ক প্ৰাথমিক স্বাস্থ্য কেন্দ্ৰৰ অধীনৰ বিভিন্ন চিকিৎসালয় আৰু উপকেন্দ্ৰসমূহত ১৪ জন লোক ক'ভিডত আক্ৰান্ত হৈছে । ইয়াৰে ৫ জনক হোম আইছ'লেশ্যনত ৰখাৰ লগতে আনকেইজনক ক'ভিড হাস্পতালত চিকিৎসা কৰি থকা হৈছে ।
খোৱাঙত ১০ দিনত ১৪ জন ক’ভিডত আক্ৰান্ত
চিকিৎসালয়খনৰ দায়িত্বত থকা চিকিৎসক ডাঃ এম সোণোৱালে জানিবলৈ দিয়া অনুসৰি, খোৱাঙত ক'ভিড টেষ্ট কৰা লোকতকৈ ক'ভিড পজিটিভ পোৱা লোকৰ সংখ্যা তুলনামূলকভাৱে কম যদিও ক'ভিড আক্ৰান্তৰ লোকৰ সংখ্যা দৈনিক বৃদ্ধি পাই আছে । আনহাতে স্থানীয় লোকক ভেকচিন প্ৰদান কৰি থকা হৈছে যদিও দ্বিতীয় পালি ভেকচিন ল'বলৈ এতিয়াও বহু লোকৰ বাকী আছে বুলি চিকিৎসকগৰাকীয়ে জানিবলৈ দিয়ে ।