আগৰতলা, ৩আগষ্ট: ভাৰত-বাংলা ৰে'ল সংযোগৰ অগ্ৰগতি মন্থৰ হোৱাত ক্ষোভ প্ৰকাশ কৰিছে ত্ৰিপুৰাৰ মুখ্যমন্ত্ৰী ডাঃমানিক সাহাই (Tripura CM Dr Manik Saha on Indo-Bangla railway link)। সেয়েহে ভাৰত-বাংলা ৰে'ল সংযোগৰ মন্থৰ অগ্ৰগতি সম্পৰ্কে কেন্দ্ৰীয় চৰকাৰক অৱগত কৰিব বুলি উল্লেখ কৰিছে মুখ্যমন্ত্ৰী ডাঃসাহাই । তেওঁ ভাৰত-বাংলাদেশ মৈত্ৰী সেতুৰ জৰিয়তে এই অভিযান আৰম্ভ কৰিব বুলি মঙলবাৰে ত্ৰিপুৰাত আয়োজিত এখন সংবাদ মেলত সদৰি কৰে(Indo-Bangladesh Maitri Setu)।
মুখ্যমন্ত্ৰী ডাঃমানিক সাহাই পুনৰ কয় যে ত্ৰিপুৰাৰ দক্ষিণ জিলাৰ চাব্ৰুম উপ-সংমণ্ডলত নিৰ্মাণ কৰা মৈত্ৰী সেতুৱে ত্ৰিপুৰাক সমগ্ৰ দেশৰ সৈতে বাংলাদেশৰ চিটাগং বন্দৰৰ লগত সংযোগ কৰিব । আনহাতে, ভাৰত-বাংলা ৰে'লৱেই আগৰতলাক বাংলাদেশৰ আখাউৰাৰ সৈতে সংযোগ কৰিব । অৱশ্য়ে আৰম্ভণিতে নিৰ্ধাৰিত সময়সীমাৰ ভিতৰত সম্পূৰ্ণ কৰিব পৰা নগ'ল বুলি উল্লেখ কৰি মুখ্যমন্ত্ৰী ডাঃ সাহাই কয়,'বহু আগতে বাংলাদেশৰ চিটাগং বন্দৰক সংযোগ কৰিবলৈ ৰিভ ফেনিৰ ওপৰত নিৰ্মাণ কৰা মৈত্ৰী দলংখনে কাম কৰা নাই (Chittagong port in Bangladesh)।'
ইপিনে, বাংলাদেশৰ ফালে অপ্ৰয়োজনীয় নিৰ্মাণ কাৰ্যৰ বাবে দলংখন ব্যৱহাৰ কৰাটো অসম্ভৱ বুলি উল্লেখ কৰি তেওঁ কয়,'আমাৰ ৰাজ্যত ইয়াত নিয়োজিত বাংলাদেশৰ বিষয়াসকলৰ সৈতে এক সৌজন্য সাক্ষাতৰ সময়ত বিষয়টো তেওঁলোকৰ সন্মুখত উত্থাপন কৰিছিলো । এই সমস্য়াটো সমাধান কৰিবলৈ আহ্বান জনাইছিলো । কিন্তু প্ৰকৃত কথাটো হ'ল যে এই বিষয়বোৰ সমাধানৰ বাবে দুয়োখন দেশৰ মাজত উপযুক্ত মঞ্চত উত্থাপন কৰাৰ প্ৰয়োজন ।' সেয়েহে নিশ্চিতভাৱে এই বিষয়বোৰ কেন্দ্ৰৰ সংশ্লিষ্ট কৰ্তৃপক্ষক অৱগত কৰি উপযুক্ত ব্য়ৱস্থা গ্ৰহণৰ বাবে পদক্ষেপ ল'ব বুলি মুখ্যমন্ত্ৰী ডাঃমানিক সাহাই কয় ।
মুখ্যমন্ত্ৰী ডাঃসাহাই কয় যে তেওঁ ৰাজ্যখনত কেন্দ্ৰীয় পৃষ্ঠপোষকতাত চলি থকা প্ৰকল্পসমূহৰ অগ্ৰগতিৰ বিষয়ে অৱগত কৰিবলৈ অহা ৬ আগষ্টত প্ৰধানমন্ত্ৰী নৰেন্দ্ৰ মোডীক সাক্ষাৎ কৰিব । আনহাতে, দেশৰ স্বাধীনতাৰ ৭৫ বৰ্ষ উপলক্ষে মুখ্যমন্ত্ৰীগৰাকীয়ে ৰাজ্যখনৰ জনসাধাৰণক 'হৰ ঘৰ তিৰাংগা' অভিযানত অংশগ্ৰহণ কৰিবলৈ আহ্বান জনায় । তেওঁ ত্ৰিপুৰাৰ ৪.৮ লাখ ঘৰত ৰাষ্ট্ৰীয় পতাকা উত্তোলনৰ বাবে লক্ষ্য নিৰ্ধাৰণ কৰা বুলি কয়(Har Ghar Tiranga campaign in Tripura)।
লগতে পঢ়ক:Falsifying security status: ত্ৰিপুৰাৰ প্ৰাক্তন মুখ্যমন্ত্ৰীৰ বিৰুদ্ধে ব্যৱস্থা গ্ৰহণৰ দাবী কংগ্ৰেছৰ
