নিউজ ডেস্ক, 18 এপ্ৰিল : অসমৰ মুখ্যমন্ত্ৰী ড৹ হিমন্ত বিশ্ব শৰ্মা (Assam Chief Minister Himanta Biswa Sharma) ৰাজনৈতিক আলোচনাৰ বিষয়ত আটাইতকৈ বিষাক্ত ব্যক্তি । এই অভিযোগ বিশিষ্ট বুৰঞ্জীবিদ এছ ইৰফান হাবিবৰ (prominent historian S Irfan Habib) । তেওঁ লগতে কয় যে যেতিয়া তথাকথিত ধৰ্মনিৰপেক্ষ আৰু প্ৰগতিশীল দলসমূহেই তেওঁলোকৰ নিজ নিজ কাৰ্যকালত মুছলমান সম্প্ৰদায়ক উন্নত কৰাত ব্যৰ্থ হৈছিল, তেনে ক্ষেত্ৰত আমি বৰ্তমানৰ ব্যৱস্থাৰ পৰা একো আশা কৰা উচিত নহয় (historian Irfan Habib comments on Himanta Biswa Sarma) ।
স্পেকট ফাউণ্ডেচনৰ (SPECT foundation) উন্নয়ন অডিট প্ৰতিবেদন 'Marginalisation of Muslims in Ten Minority Concentration districts'ৰ শুভাৰম্ভণী অনুষ্ঠানত ভাষণ দি হাবিবে কয়, "মুছলমানসকলৰ বিৰুদ্ধে এক আলোচনা বা বৰ্ণনা গঢ়ি তোলা হৈছে যে তেওঁলোকৰ জনসংখ্যা নিৰন্তৰ বৃদ্ধি হৈ আছে আৰু ই এক ৰাষ্ট্ৰীয় ভাবুকিৰ সৃষ্টি কৰিছে । কিন্তু মুছলমানসকল এই দেশৰ নাগৰিক নহয় নেকি ? আৰু তেওঁলোকৰ তথাকথিত জনসংখ্যা বৃদ্ধিক এই ৰাষ্ট্ৰীয় সুৰক্ষা লেন্সৰ জৰিয়তে কিয় চোৱা হৈছে ? এই সমগ্ৰ ধাৰণাটো স্পষ্টভাৱে ৰাজনৈতিকভাৱে অনুপ্ৰেৰিত’’ ।
বিষাক্ত ব্যক্তি হিমন্ত বিশ্ব শৰ্মা : ইৰফান হাবিব "যেতিয়া আপুনি আপোনাৰ ৰাজনৈতিক ধাৰণা অনুসৰি ইতিহাসৰ অংশবোৰ নিৰ্বাচিতভাৱে বিলোপ কৰে, তেতিয়া সেই সংযোজিত ইতিহাসৰ বিন্দুবোৰো আঁতৰাই পেলায় । গতিকে আপুনি এতিয়া মোগল দৰবাৰ প্ৰণালীৰ কিছু অংশ বিলোপ কৰিছে । এতিয়া আপুনি মহাৰাণা প্ৰতাপ, হালধিঘাটৰ যুদ্ধৰ বিষয়ে কেনেকৈ লিখিব ? ইতিহাসক ৰাজনৈতিক সঁজুলি হিচাপে ব্যৱহাৰ কৰিব নোৱাৰি ।" তেওঁ আঙুলিয়াই দিয়ে ।
সাংবাদিকৰ সৈতে এক অনানুষ্ঠানিক বাৰ্তালাপৰ সময়ত পাতোঁতে এনচিইআৰটিৰ দ্বাৰা শেহতীয়াকৈ কৰা ভুলৰ বিষয়ে মন্তব্য দিবলৈ কোৱাত ইৰফান হাবিবে কয় (Irfan Habib on recent omissions by NCERT), "বিজেপি চৰকাৰে প্ৰয়াত অটল বিহাৰী বাজপেয়ীৰ কাৰ্যকাল হওঁক বা প্ৰধানমন্ত্ৰী মোডীৰ অধীনত বৰ্তমান হওঁক, তেওঁলোকে অতীত, বিশেষকৈ মধ্যযুগীয় অতীতৰ বিষয়ে অধিক গুৰুত্ব দিয়ে । সেয়েহে যদিও বাজপেয়ী চৰকাৰে কিছু অংশ বাদ দিবলৈ চেষ্টা কৰিছিল, তেওঁলোকে সফলতা অৰ্জন কৰা নাছিল । কিন্তু প্ৰধানমন্ত্ৰী মোডীৰ অধীনত বৰ্তমানৰ শাসনকাল এই ক্ষেত্ৰত অধিক আক্ৰমণাত্মক হৈ আছে আৰু তেওঁলোকে তেওঁলোকৰ সফলতা অৰ্জন কৰিছে’’ ।
স্পেক্ট ফাউণ্ডেচনৰ দ্বাৰা প্ৰস্তুত কৰা প্ৰতিবেদনত বিহাৰ (আৰাৰিয়া, পূৰ্ণিয়া, কিষাণগঞ্জ, কৈথাৰ), অসম (ধুবুৰী, কোকৰাঝাৰ), উত্তৰ প্ৰদেশ (শ্ৰাৱস্তী, বলৰামপুৰ) আৰু পশ্চিমবংগকে (মালদা, মুৰ্শিদাবাদ) ধৰি মুছলমানসকলৰ বৃহৎ জনসংখ্যা থকা চাৰিখন সীমান্ত ৰাজ্যৰ 10 খন জিলাত আৰ্থ-সামাজিক মাপকাঠি মূল্যায়ন কৰা হৈছে । প্ৰতিবেদনখনে এই নিৰ্বাচিত জিলাসমূহত মুছলমানসকলৰ প্ৰান্তিকৰণৰ ওপৰত আলোকপাত কৰিছে । সেয়া হৈছে স্বাস্থ্য, শিক্ষা আৰু সৰ্বাংগীণ বিকাশৰ ক্ষেত্ৰত ।
"এই পৰাজিতসকলে হজম কৰিব পৰা নাই যে বিজেপিয়ে কংগ্ৰেছৰ পৰা অহা সত্বেও হিমন্ত বিশ্ব শৰ্মাক ইমান সন্মানেৰে আদৰণি জনাইছিল । আজি তেওঁ ইমান ডাঙৰ নেতা আৰু আদৰ্শগতভাৱে আমাৰ অতি ঘনিষ্ঠ । আৰু আমি সকলোৱে ইৰফান হাবিব আৰু অন্যান্যৰ দৰে লোকৰ চিন্তাধাৰাক জানো ।" ইৰফান হাবিবৰ বক্তব্যৰ প্ৰতিক্ৰিয়া প্ৰকাশ কৰি বিজেপিৰ সুদেশ বাৰ্মাই এনেদৰে কয় ।
লগতে পঢ়ক :Karnataka Election 2023 : কৰ্ণাটকত সংৰক্ষণ বিষয়ত সোচ্চাৰ ৰাহুল গান্ধী
