EAMCET Exam Preparation Tips : ఎంసెట్/ ఈఏపీసెట్‌లో వచ్చే ర్యాంకు ఆధారంగానే విద్యార్థి కాలేజీని, బ్రాంచ్ను ఎంచుకునే అవకాశం ఉంటుంది. అయితే ఈ ప్రవేశ పరీక్షలో కనీసం సగం ప్రశ్నలకు సమాధానాలను సరిగ్గా గుర్తించగలిగితే.. అంటే 50 శాతం మార్కులు సాధించగలిగినా మంచి కాలేజీలలో సీటు వస్తుంది. తెలంగాణలో మే 10 నుంచి 14 వరకూ, ఆంధ్రప్రదేశ్‌లో మే 15 నుంచి 23 వరకూ ఎంసెట్/ఈఏపీ సెట్‌ పరీక్షలు నిర్వహించనున్నారు. పరీక్ష కేంద్రానికి విద్యార్థులు కనీసం గంట ముందుగా చేరుకునేట్లు చూసుకోవాలి. హాల్‌టికెట్‌తో పాటు ఇచ్చే సూచనలు పాటించాలి.
ఈ టిప్స్ పాటించండి.. పరీక్షలో మంచి ర్యాంకు కొట్టేయండి..
- పరీక్షకు ఇంకా ఒక వారమే ఉంది కాబట్టి ఈ చివరి వారాన్ని పూర్తిగా పునశ్చరణకు మాత్రమే కేటాయించాలి.
- ముఖ్యమైన టాపిక్లను పునశ్చరణ చేసుకోవాలి.
- రోజులో అన్ని సబ్జెక్టులను కవర్ అయ్యేలా రివైజ్ చేసుకోవాలి.
- సమయం తక్కువగా ఉన్నప్పుడు కొత్త అంశాలపై దృష్టి పెట్టకుండా చదివిన వాటినే మళ్లీ రివైజ్ చేసుకోవాలి.
- మెమరీ బేస్డ్ కాన్సెప్టులను, ముఖ్యమైన ఫార్ములాలను రివైజ్ చేసుకోవాలి.
- పాత పేపర్లను మోక్ టెస్ట్లు చేయాలి, గ్రాండ్ టెస్టులు రాయాలి
- నీట్, మెయిన్స్ లాంటి పరీక్షల ఒరవడికి అలవాటైన విద్యార్థులు ఎంసెట్లో 160 ప్రశ్నలు పూర్తిగా చదవాలంటే ఇబ్బంది పడతారు. కాబట్టి ప్రశ్నలను ఓపికగా, త్వరగా చదవడం, జవాబులను గుర్తించడం లాంటివి చేయాలి.
- నెగిటివ్ మార్కింగ్ లేకపోవడం వల్ల ప్రతి ప్రశ్నకు సమాధానాన్ని గుర్తించాలి.
- తెలిసిన ప్రశ్నలకు ముందుగా సమాధానాలు రాసుకుని.. తర్వాత వదిలేసిన ప్రశ్నలను రాయాలి.
- సమాధానం తెలియని ప్రశ్నలకు ఎక్కువ సమయం వెచ్చించకుండా, తెలిసని దానిని త్వరగా రాసుకోవాలి.
- పరీక్షలో చివరి పది నిమిషాలు అన్నింటికి సమాధానాలు రాశామో లేదో చూసుకోవాలి.
ఇంట్రెస్ట్ ఎక్కువ ఉన్న సబ్జెక్టుతో.. పరీక్షను మనకిష్టమైన సబ్జెక్టుతో ప్రారంభించాలి. ప్రశ్న కఠినంగా అనిపిస్తే ఈజీ ఉన్న ప్రశ్నలకు సమాధానాలను గుర్తించి.. తర్వాత హార్డ్ ప్రశ్నల గురించి ఆలోచించడం ఉత్తమం. విద్యార్థులు 180 నిమిషాల వ్యవధిలో 160 ప్రశ్నలను సమాధానాలు రాయాలి. మిగిలిన సమయంలో సమాధానం ఇవ్వని ప్రశ్నల గురించి ఆలోచించాలి.
గణిత శాస్త్రం:ఈ సబ్జెక్టులో ఫార్ములాలను అధికంగా గుర్తుపెట్టుకోవాల్సి వస్తుంది. అది చాలా ముఖ్యం కూడా. భౌతిక, రసాయన శాస్త్రాల్లోని కలిసి ఉన్న మార్కులు కేవలం ఒక్క గణితంలోనే ఉంటాయి. గంటన్నరలోనే దాదాపు 80 ప్రశ్నలకు సమాధానం గుర్తించాలి. అర్థంకాని ప్రశ్నల దగ్గర టైం వేస్ట్ చేయకుండా ఈజీగా ఉన్న ప్రశ్నలకు ముందుగా సమాధానాలు గుర్తించాలి. తెలిసిన ప్రశ్నలకు సమాధానాలు గుర్తించిన తర్వాత.. వదిలేసిన ప్రశ్నలకు సమాధానాలను గుర్తించాలి.
వృక్ష శాస్త్రం: వృక్షశాస్త్రంలో , అనువర్తనాలు, జీవసాంకేతికశాస్త్రం, ఖనిజపోషకాలు, వృక్షరాజ్యం, ఎంజైమ్‌లు, వృక్ష ఆవరణశాస్త్రం, జీవశాస్త్ర వర్గీకరణ, సూక్ష్మజీవశాస్త్రం, , కణజీవశాస్త్రం మొక్కల్లో ప్రత్యుత్పత్తి ముఖ్యమైనవి. ఈ పాఠాలను పరీక్షకు ముందు అంతా ఒకసారి రివైజ్ చేసుకోండి.
జంతు శాస్త్రం: జంతు శాస్త్రంలో ముఖ్యమైనది మానవ ప్రత్యుత్పత్తి వ్యవస్థ, జంతు వైవిధ్యం, ఆరోగ్యం, గమనం, మానవ సంక్షేమంలో జీవశాస్త్రం చాలా ముఖ్యమైనవి. వీటిని రివైజ్ చేసుకుంటూ మాక్ టెస్ట్లు రాయాలి.
భౌతిక శాస్త్రం: భౌతికశాస్త్రం అనేది వివిధ సూత్రాలు, సిద్దాంతాల చుట్టూ తిరుగుతుంది. ఫస్ట్ ఇయర్ నుంచి 70శాతం, సెకండ్ ఇయర్ పాఠాల నుంచి 100శాతం ప్రశ్నలు ఉంటాయి. శుద్ధ గతికశాస్త్రం, గురుత్వాకర్షణ, స్థితిస్థాపకత, గతిశాస్త్రం, అణునిర్మాణశాస్త్రం, ఉష్ణగతిక శాస్త్రం, విద్యుత్తు పాఠాలను ప్రిపరేషన్లో ముఖ్యంగా భావించి రివైజ్ చేసుకోవాలి. పాత ప్రశ్నాపత్రాలను రివైజ్ చేయడం వల్ల పేపరు ఎలా వస్తుందో మనుకు కొంత అవగాహన వస్తుంది. ఎంసెట్లో ఫిజిక్స్‌కి 40 ప్రశ్నలు/ 40 మార్కులకు ఉంటాయి. అందులో దాదాపు 20 ప్రశ్నలు కాన్సెప్ట్‌, ఫార్ములాలపై ఆధారపడి ఉంటాయి. ఎంసెట్ ర్యాంకులో ఇంటర్ మార్కులతో సంబంధం ఉండదు. కాబట్టి ప్రతి మార్కు చాలా ముఖ్యమైనది. సెకండ్ ఇయర్ టాపిక్స్ నుంచి ఎక్కువ ప్రశ్నలు వస్తాయి.
రసాయన శాస్త్రం: రసాయన శాస్త్రంలో ఎక్కువ వెయిటేజి ఉన్న లెసన్స్ చదవాలి. ముఖ్యమైన పాఠాలను ఒకటికి రెండు సార్లు రివైజ్ చేసుకుంటే బెటర్. ఆమ్లాలు, క్షారాలు, ఆవర్తన పట్టిక, పరమాణు సూత్రాలు చూసుకుంటే దాదాపు 50శాతం ప్రశ్నలకు సమాధానాలు రాయవచ్చు. రసాయన గతికశాస్త్రం, ఉష్ణగతికశాస్త్రం, రసాయన బంధం, నేమ్డ్‌ రియాక్షన్స్‌ చూసుకుంటే 25మార్కుల వరకు సాధించవచ్చు.
ఇవీ చదవండి:
