టీ20 ప్రపంచకప్-2021(t20 world cup 2021)లో టాస్దే ఆధిపత్యం. యూఏఈ పిచ్లు మ్యాచ్ జరుగుతున్న కొద్ది మార్పులకు లోనవ్వడం, రాత్రి పూట మంచు ప్రభావం వల్ల బౌలర్లకు బంతిపై పట్టుదొరక్కపోవడం ప్రధాన సమస్యగా మారింది. ఈ టోర్నీలో రెండోసారి బ్యాటింగ్ చేసిన జట్లే ఎక్కువగా గెలిచాయి. దీంతో టాస్ గెలిస్తే చాలు ఫీల్డింగ్ వైపు మొగ్గుచూపిస్తున్నాయి జట్లు. నేడు (నవంబర్ 14) ఆస్ట్రేలియా-న్యూజిలాండ్ జట్ల మధ్య జరగబోయే ఫైనల్(aus vs nz t20 final) మ్యాచ్లోనూ టాస్ గెలిస్తే బౌలింగ్ ఎంచుకునే అవకాశాలు ఉన్నాయి. ఈ నేపథ్యంలో ఈ మ్యాచ్లో టాస్(t20 world cup 2021 toss results) ప్రభావం ఎంతవరకు ఉంటుందో చూద్దాం.
టాస్ కీలకం
- ఫైనల్ జరిగే దుబాయ్‌లో ఈ ప్రపంచకప్‌లో సూపర్‌ 12 దశ నుంచి జరిగిన 12 మ్యాచ్‌లకు గానూ రెండోసారి బ్యాటింగ్ చేసిన జట్లు 11 సార్లు గెలిచాయి.
- ఇందులో రాత్రిపూట జరిగిన తొమ్మిది మ్యాచ్‌ల్లోనూ ఛేదన చేసిన జట్లే నెగ్గాయి.
- దుబాయ్‌లో జరిగిన గత 17 టీ20 మ్యాచ్‌ల్లో 16 సార్లు రెండో సారి బ్యాటింగ్ చేసిన జట్లదే పైచేయి.
- ఈ టోర్నీలో ఆసీస్‌కు దక్కిన ఐదు విజయాలు ఛేదనలోనే సొంతమయ్యాయి.
టాస్ గణాంకాలు ఇవి
- 29- టాస్ గెలుపు & మ్యాచ్ గెలుపు
- 15- టాస్ ఓటమి & మ్యాచ్ గెలుపు
- 13- టాస్ గెలిచి బ్యాటింగ్ ఎంచుకున్నవారు
- 31- టాస్ గెలిచి బౌలింగ్ ఎంచుకున్నవారు
- 28- మొదటి ఇన్నింగ్స్లో బౌలింగ్ చేసి విజయం అందుకున్న మ్యాచ్లు
- 16- మొదటి ఇన్నింగ్స్లో బ్యాటింగ్ చేసి విజయం అందుకున్న మ్యాచ్లు
