ETV Bharat / sports

టీ20ల్లో స్పిన్నర్ రషీద్ ఖాన్ మరో ఘనత

author img

By

Published : Nov 7, 2021, 7:52 PM IST

rashid khan news
రషీద్ ఖాన్

అఫ్గానిస్థాన్ స్టార్ స్పిన్నర్ రషీద్ ఖాన్​ (Rashid Khan News) మరో ఘనత సొంతం చేసుకున్నాడు. అత్యంత వేగంగా టీ20ల్లో 400 వికెట్ల మైలురాయిని చేరుకున్న బౌలర్​గా నిలిచాడు.

అఫ్గానిస్థాన్ లెగ్​స్పిన్నర్ రషీద్ ఖాన్ (Rashid Khan News) మరో ఘనత సాధించాడు. టీ20ల్లో 400 వికెట్ల క్లబ్​లో (400 Wickets in T20) చేరాడు. టీ20 ప్రపంచకప్​లో (T20 World Cup 2021) భాగంగా ఆదివారం న్యూజిలాండ్​ మ్యాచ్​లో తీసిన వికెట్​తో ఈ మైలురాయిని చేరుకున్నాడు.

rashid khan news
రషీద్ ఖాన్

23 ఏళ్ల రషీద్​ ఖాన్ (Rashid Khan Wickets)​.. 289 మ్యాచుల్లోనే ఈ ఘనత సాధించాడు. అతడి కన్నా ముందు డ్వేన్ బ్రావో (364 మ్యాచుల్లో), ఇమ్రాన్ తాహిర్ (320 మ్యాచుల్లో), సునీల్​ నరైన్ (362 మ్యాచుల్లో) మాత్రమే టీ20ల్లో 400 వికెట్లు పడగొట్టారు.

బ్రావో.. టీ20 ఫార్మాట్​లో మొత్తం 553 వికెట్లు తీసి అగ్రస్థానంలో ఉన్నాడు. అతడి తర్వాత నరైన్ (425), తాహిర్ (420), రషీద్ (400) ఉన్నారు.

అంతర్జాతీయ టీ20ల్లో అత్యంత వేగంగా 100 వికెట్ల సాధించిన ఘనత కూడా ఈ టోర్నీలోనే సొంతం చేసుకున్నాడు రషీద్. అతడు కేవలం 53 మ్యాచుల్లోనే 100 వికెట్లు పడగొట్టి.. శ్రీలంక పేస్ దిగ్గజం లసిత్ మలింగను (76 మ్యాచుల్లో) అధిగమించాడు.

ఇదీ చూడండి: అఫ్గాన్​పై న్యూజిలాండ్ విజయం.. ఇండియా ఇంటికి

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.