స్వదేశానికి భారత​ బృందం.. అభిమానుల ఘనస్వాగతం

టోక్యో ఒలింపిక్స్​లో అత్యుత్తమ ప్రదర్శన అనంతరం భారత బృందం (indian olympic contingent) స్వదేశానికి చేరుకుంది. వీరికి దిల్లీలోని ఇందిరాగాంధీ విమానాశ్రయంలో అభిమానుల నుంచి ఘనస్వాగతం లభించింది.

టోక్యో ఒలింపిక్స్ (Tokyo Olympics)​ నుంచి భారత బృందం (indian olympic contingent) స్వదేశానికి చేరుకుంది. దిల్లీలోని ఇందిరాగాంధీ విమానాశ్రయంలో వారికి స్పోర్ట్స్​ అథారిటీ ఆఫ్​ ఇండియా (సాయ్​) (SAI) డైరెక్టర్​ జనరల్​ సందీప్​ ప్రధాన్​, అథ్లెటిక్స్​ ఫెడరేషన్​ ఆఫ్ ఇండియా చీఫ్​ అదిల్లే సుమరివాలా ఘనస్వాగతం పలికారు. అథ్లెట్ల కుటుంబ సభ్యులతో పాటు స్థానిక రాజకీయ నాయకులు, అభిమానులు పెద్ద ఎత్తున విమానాశ్రయానికి చేరుకున్నారు. డోలు​ చప్పుళ్లతో, బ్యాండ్లు కొడుతూ, పాటలు పాడుతూ త్రివర్ణ పతాకాన్ని చేతబూని పలువురు డ్యాన్స్​లు చేశారు.

పతక విజేతలను చూడటానికి ప్రేక్షకులు పెద్ద ఎత్తున రావడం వల్ల ఎయిర్​పోర్ట్​ వద్ద కాస్త ఉద్రిక్త వాతవరణం నెలకొంది. చాలా మంది మాస్క్​లు లేకుండానే వచ్చారు. భౌతిక దూరం పాటించకుండా కరోనా నిబంధనలను గాలికొదిలేశారు. దీంతో ఆటగాళ్లు త్వరగానే అక్కడి నుంచి నిష్క్రమించారు.

ఈ బృందంలో స్వర్ణ పతక విజేత నీరజ్​ చోప్డాతో పాటు రెజ్లర్​ బజ​రంగ్ పునియా, రేసర్​ కేటీ ఇర్ఫాన్​, దీపక్​ పునియా, లవ్లీనా.. తదితరులు ఉన్నారు. మీరాబాయి చాను, పీవీ సింధు వారి ఈవెంట్లు ముగిసిన వెంటనే భారత్​కు చేరుకున్నారు.

• Welcome home champions!
  
  🇮🇳 Athletics Team is back from the #Tokyo2020 Olympics. Lets welcome them with joy and excitement and #Cheer4India.
  
  Watch the video and send in your best wishes in the comments below 👇🏻@PMOIndia @ianuragthakur @NisithPramanik @afiindia @WeAreTeamIndia pic.twitter.com/9wJrvdzjPC

  — SAIMedia (@Media_SAI) August 9, 2021 " class="align-text-top noRightClick twitterSection" data="

  Welcome home champions!
  
  🇮🇳 Athletics Team is back from the #Tokyo2020 Olympics. Lets welcome them with joy and excitement and #Cheer4India.
  
  Watch the video and send in your best wishes in the comments below 👇🏻@PMOIndia @ianuragthakur @NisithPramanik @afiindia @WeAreTeamIndia pic.twitter.com/9wJrvdzjPC

  — SAIMedia (@Media_SAI) August 9, 2021

  ">

  Welcome home champions!
  
  🇮🇳 Athletics Team is back from the #Tokyo2020 Olympics. Lets welcome them with joy and excitement and #Cheer4India.
  
  Watch the video and send in your best wishes in the comments below 👇🏻@PMOIndia @ianuragthakur @NisithPramanik @afiindia @WeAreTeamIndia pic.twitter.com/9wJrvdzjPC

  — SAIMedia (@Media_SAI) August 9, 2021

టోక్యో ఒలింపిక్స్​లో భారత అథ్లెట్లు ఒక స్వర్ణం, రెండు రజతాలు, నాలుగు కాంస్యాలతో మొత్తం 7 పతకాలు సాధించారు. 2012 లండన్​ ఒలింపిక్స్​లో గెలుపొందిన 6 పతకాల సంఖ్యను ఈసారి అధిగమించారు. జావెలిన్ త్రో ఆటగాడు నీరజ్ చోప్డా పసిడితో మెరవగా, రెజ్లింగ్​లో రవి దహియా, మీరాబాయి చాను రజతాలు సాధించారు. బాక్సింగ్​లో లవ్లీనా, బ్యాడ్మింటన్​లో పీవీ సింధు, రెజ్లింగ్​లో బజ​రంగ్ పునియా, పురుషుల హాకీ టీమ్..​ కాంస్య పతకాలు దక్కించుకున్నాయి.

ఇదీ చదవండి: 20 బ్రాండ్లపై పీవీ సింధు దావా! కారణమేంటి?