కశ్మీర్​ను చూడాలనుకుంటున్నారా? - హుస్సేన్​సాగర్​కు రండి - special Theme Parks in Hyderabad

Attractive Special Theme parks in Hyderabad : ఎండలతో ఉక్కిరిబిక్కిరి అవుతున్న ప్రజలు కాస్త చల్లదనం కోసం వండర్ పార్క్​ల బాట పడుతున్నారు. వీరి కోసం నగరంలో ప్రత్యేకంగా థీమ్ పార్క్​లు వెలుస్తున్నాయి. లండన్, కశ్మీర్, స్విట్జర్లాండ్‌ పేర్లతో థీమ్ పార్క్​లను ఏర్పాటు చేస్తున్నారు. బయట ఉష్ణోగ్రతలు వేడిగా ఉండటంలో ప్రజలు వీటి వైపు ఎక్కువగా మొగ్గు చూపుతున్నారు. సెలవులలో దూర ప్రాంతాలకు వెళ్లలేని వారు ఇలాంటి పార్క్​లకు కుటుంబ సమేతంగా వచ్చి ఎంజాయ్ చేస్తున్నారు.

ఈ నేపథ్యంలో హైదరాబాద్ హుస్సేన్​సాగర్ వద్ద మినీ కశ్మీర్ థీమ్ పార్క్​కు సందర్శకులు బారులు తీరారు. మండు వేసవిలో ఇలాంటి చల్లని పార్క్​లకు వస్తే రిలాక్స్​గా ఉంటుందని, పిల్లలు కూడా చాలా ఎంజాయ్ చేస్తారని సందర్శకులు అంటున్నారు. కశ్మీర్ వెళితే ఎలా ఫిల్​ అవుతామో అలాగే ఆస్వాదించామని చెబుతున్నారు. మరి మినీ కశ్మీర్ థీమ్ పార్క్ ప్రత్యేకతలేంటి, ప్రజలు ఏమనుకుంటున్నారు అనే విషయాలను వారి మాటల్లోనే తెలుసుకుందాం.