Women IPL Punjabkings: వచ్చే ఏడాది జరగబోయే మహిళల ఐపీఎల్లో ఓ జట్టును సొంతం చేసుకోవడానికి తాము సిద్ధంగా ఉన్నట్లు పంజాబ్ ఫ్రాంచైజీ సహ యజమాని నెస్ వాడియా తెలిపారు. మహిళల ఐపీఎల్ పట్ల చాలా ఆసక్తిగా ఉన్నట్లు పేర్కొన్నారు.
"మహిళల ఐపీఎల్పై మాకు చాలా ఆసక్తిగా ఉంది. ఎప్పటి నుంచో డిమాండ్ ఉన్నందున బీసీసీఐ నిర్ణయం తీసుకోవడం హర్షనీయం. మహిళల ఐపీఎల్ నిర్వహించడం ద్వారా బీసీసీఐకి కొన్ని కోట్ల రూపాయల లాభం వస్తుంది. ఈ విషయంపై మేము గంగూలీ, జై షాతో మాట్లాడాం. ఇక, ఈ ఏడాది రెండు కొత్త జట్లు పురుషుల ఐపీఎల్లోకి చేరడం వల్ల బీసీసీఐకి ఒక బిలియన్ డాలర్లకు పైగా లాభం చేకూరింది."
-నెస్ వాడియా, పంజాబ్ జట్టు సహ యజమాని
పురుషుల ఐపీఎల్ తరహాలోనే వచ్చే ఏడాది నుంచి ఆరు జట్లతో కూడిన మహిళల ఐపీఎల్ నిర్వహించనున్నట్లు బీసీసీఐ చీఫ్ సౌరవ్ గంగూలీ గత వారమే ప్రకటించారు. మహిళల ఐపీఎల్‌కు విపరీతమైన డిమాండ్ ఉన్న నేపథ్యంలో గత వారం జరిగిన ఐపీఎల్ గవర్నింగ్ కౌన్సిల్ సమావేశంలో ఈ నిర్ణయం తీసుకున్నారు. ఇప్పటికే ఆయా దేశాల్లో మహిళల లీగ్ క్రికెట్కు ఆదరణ పెరుగుతోంది. 2015-2016 నుంచి ఆస్ట్రేలియాలో మహిళల క్రికెట్ బిగ్ బాష్ నిర్వహిస్తున్నారు. గతేడాది యూకేలో మహిళల క్రిెకెట్ హండ్రెడ్ పోటీ ప్రారంభమవ్వగా, వెస్టిండీస్ ఈ ఏడాది నుంచి మూడు జట్లతో సీపీఎల్ షురూ కానుంది.
ఇదీ చదవండి: మరోసారి పెళ్లి చేసుకున్న మ్యాక్స్వెల్ జంట.. ఈ సారి ఆ సంప్రదాయంలో!
