Devara First Single: గ్లోబల్ స్టార్ ఎన్టీఆర్- కొరటాల శివ కాంబోలో తెరకెక్కుతున్న దేవర పార్ట్- 1నుంచి మే 19న ఫస్ట్ సింగిల్ రిలీజ్ కానుంది. ఇప్పటికే విడుదలైన పోస్టర్, గ్లింప్స్ సినిమాపై అంచనాలు పెంచేశాయి. ఇక ఎన్టీఆర్ బర్త్డేకు ఒక రోజు ముందు సినిమా నుంచి ఫస్ట్ సాంగ్ రిలీజ్ చేసేందురు మేకర్స్ సిద్ధమవుతున్నారు. ఈ మేరకు ఓ పోస్టర్ కూడా వదిలారు. 'ఫియర్ సాంగ్' (Fear Song) పేరుతో ఈ పాట రిలీజ్ కానుంది. అయితే ఇప్పటికే ఈ సాంగ్ విన్న ప్రొడ్యూసర్ సూర్య దేవర నాగవంశీ ఇంట్రెస్టింగ్ కామెంట్స్ చేశారు.
ఈ పాట 'హుకుమ్' సాంగ్ను మించి ఉంటుందని వంశీ అన్నారు. 'ఎంతగానో ఎదురుచూస్తున్న మ్యాన్ ఆఫ్ మాసెస్ తారక్ అన్న ఫ్యాన్స్కు 'దేవర ఫియర్ సాంగ్' పర్ఫెక్ట్ పాట. మీ అందరి కంటే ముందు నేను పాట విన్నాను. నన్ను నమ్మండి హుకుమ్ సాంగ్ను మర్చిపోతారు. మ్యూజిక్ డైరెక్టర్ అనిరుధ్ నెక్ట్స్ లెవల్ మాస్. దేవర ముందు నువ్వెంత' అంటూ సాంగ్ పోస్టర్ షేర్ చేస్తూ రాసుకొచ్చారు.
అయితే ఈ సినిమాకు మ్యూజిక్ సంచలనం అనిరుధ్ రవిచంద్రన్ సంగీతం అందిస్తున్నారు. మాస్ బీట్, ఎలివేషన్ సాంగ్స్ ఇవ్వడంలో అనిరుధ్ టాప్లో ఉంటారు. ఇక గతేడాది రజనీకాంత్ హీరోగా వచ్చిన జైలర్ సినిమాలో హుకుమ్ సాంగ్ ఫుల్ ఫేమస్ అయ్యింది. ఈ పాటలు మిలియన్ల కొద్ది వ్యూస్ వచ్చాయి. అటు తమిళ ప్రేక్షకులతోపాటు ఇటు తెలుగు ఆడియెన్స్ కూడా ఈపాటను ఫేవరెట్ లిస్ట్లో చేర్చేశారు. ఈ క్రమంలో హుకుమ్ను మించి దేవర సాంగ్ ఉండనుందని నిర్మాత వంశీ అంటున్నారు.
ఇక ఈ సినిమాలో ఎన్టీఆర్ సరసన బాలీవుడ్ బ్యూటీ జాన్వీ కపూర్ హీరోయిన్గా నటిస్తోంది. మరాఠా భామ శ్రుతి మరాఠే కూడా కీ రోల్ చేయనుంది. వీరిద్దరూ ఈ సినిమాతోనే తెలుగు ప్రేక్షకులకు పరిచయం కానున్నారు. ఇక బాలీవుడ్ స్టార్ నటులు సైఫ్ అలీ ఖాన్ సినిమాలో కీలకమైన పాత్ర పోషించనున్నారు. సీనియర్ నటులు ప్రకాశ్ రాజ్, శ్రీకాంత్, మురశీ శర్మ తదితరులు ఆయా పాత్రల్లో నటిస్తున్నారు. ఎన్టీఆర్ ఆర్ట్స్ బ్యానర్పై రూపొందుతున్న ఈ సినిమాకు మ్యూజిక్ సంచలనం అనిరుధ్ రవిచంద్రన్ సంగీతం అందిస్తున్నారు. కాగా, ఈ సినిమా 2024 అక్టోబర్ 10న వరల్డ్వైడ్ గ్రాండ్గా రిలీజ్ కానుంది.
- " class="align-text-top noRightClick twitterSection" data="">
'దేవర'లో ఐటమ్ సాంగ్- స్టార్ హీరోయిన్ కన్ఫార్మ్! - Devara Item Song
గోవాలో 'దేవర' బిజీబిజీ- ఎన్టీఆర్ న్యూ స్టిల్ వైరల్- ఫొటో చూశారా?. - NTR Devara New Look From Sets
