NZ Tour of Australia: న్యూజిలాండ్ జట్టు ఆస్ట్రేలియా పర్యటన వాయిదా పడింది. జనవరి 24 నుంచి ఫిబ్రవరి 9 మధ్య జరగాల్సిన ఈ టూర్ను వాయిదా వేస్తున్నట్లు న్యూజిలాండ్ క్రికెట్(ఎన్జెడ్సీ) బుధవారం పేర్కొంది.
ఒమిక్రాన్ వ్యాప్తి నేపథ్యంలో న్యూజిలాండ్ ప్రభుత్వం.. విదేశాల నుంచి వచ్చే వారు 10 రోజుల క్వారంటైన్లో ఉండాలనే నిబంధనను తప్పనిసరి చేసింది. ఈ నేపథ్యంలో ఆస్ట్రేలియా పర్యటనకు వెళ్లిన కివీస్ ఆటగాళ్లు ఎప్పుడు తిరిగివస్తారన్న విషయంపై క్లారిటీ లేదు. దీంతో న్యూజిలాండ్ క్రికెట్, ఆస్ట్రేలియా క్రికెట్ బోర్డులు టూర్ గడువును పెంచాలంటూ ప్రభుత్వాన్ని కోరాయి. మేనేజ్డ్ ఐసోలేషన్ అండ్ క్వారంటైన్(ఎమ్ఐక్యూ) నిబంధనల నుంచైనా సడలింపు ఇవ్వాలని కోరాయి. దీనికి న్యూజిలాండ్ ప్రభుత్వం అంగీకరించలేదు. ఫలితంగా ఛాపెల్-హాడ్లీ సిరీస్ వాయిదా పడింది.
ఆస్ట్రేలియా, న్యూజిలాండ్ మధ్య మూడు వన్డేలు ఓ టీ20 మ్యాచ్ జరగాల్సి ఉంది. తొలుత జనవరి 30, ఫిబ్రవరి 2, 5 న వన్డే మ్యాచ్లు నిర్వహించాలని, ఫిబ్రవరి 8న టీ20 జరగాలని క్రికెట్ ఆస్ట్రేలియా భావించింది. అయితే.. వాయిదా పడిన ఈ టూర్ ఎప్పుడు నిర్వహిస్తారన్నదానిపై క్లారిటీ రావాల్సి ఉంది.
ఇదీ చదవండి:
IND VS SA: ఓపెనర్లుగా వారిద్దరు.. ఆరో బౌలర్గా ఆ ప్లేయర్కు ఛాన్స్
