రైల్వేలో 1104 పోస్టుల భర్తీ - రాత పరీక్ష లేకుండానే జాబ్​ - అప్లై చేసుకోండిలా! - Railway Jobs 2024

Railway Jobs 2024 : నిరుద్యోగ యువతకు గుడ్ న్యూస్​. నార్త్ ఈస్ట్రన్​ రైల్వేలో 1104 యాక్ట్ అప్రెంటీస్ పోస్టుల భర్తీ కోసం నోటిఫికేషన్ విడుదల అయ్యింది. విద్యార్హతలు, వయోపరిమితి, ఫీజు, దరఖాస్తు విధానం తదితర పూర్తి వివరాలు మీ కోసం.

Railway Jobs 2024 : గోరఖ్​పుర్​లోని రైల్వే రిక్రూట్​మెంట్ సెల్​, నార్త్ ఈస్ట్రన్​ రైల్వే ఎన్​ఈఆర్​ పరిధిలోని యూనిట్లలో ఖాళీగా ఉన్న 1104 యాక్ట్ అప్రెంటీస్ పోస్టుల భర్తీ కోసం నోటిఫికేషన్ విడుదల చేసింది. ఆసక్తి, అర్హత ఉన్న ఆభ్యర్థులు గడువులోగా ఆన్​లైన్​లో దరఖాస్తు చేసుకోవాల్సి ఉంటుంది.

పోస్టుల వివరాలు (వర్క్‌షాప్/ యూనిట్ల వారీగా)

• మెకానికల్ వర్క్‌షాప్ (గోరఖ్‌పూర్) - 411
• సిగ్నల్ వర్క్‌షాప్ (గోరఖ్‌పూర్ కంటోన్మెంట్‌) - 63
• బ్రిడ్జ్ వర్క్‌షాప్ (గోరఖ్‌పూర్ కంటోన్మెంట్‌) - 35
• మెకానికల్ వర్క్‌షాప్ (ఇజ్జత్‌నగర్) - 151
• డీజిల్ షెడ్ (ఇజ్జత్‌నగర్) - 60
• క్యారేజ్ అండ్‌ వ్యాగన్ (ఇజ్జత్‌నగర్) - 64
• క్యారేజ్ అండ్‌ వ్యాగన్ (లఖ్‌నవూ జంక్షన్) - 155
• డీజిల్ షెడ్ (గోండా) - 23
• క్యారేజ్ అండ్‌ వ్యాగన్ (వారణాసి) -75
• మొత్తం పోస్టులు - 1104

ట్రేడ్స్​
RRC NER Trades : ఎలక్ట్రీషియన్, ఫిట్టర్, వెల్డర్, కార్పెంటర్, టర్నర్, మెకానిక్ డీజిల్, ట్రిమ్మర్, పెయింటర్, మెషినిస్ట్

విద్యార్హతలు
RRC NER Apprentice Eligibility : అభ్యర్థులు కనీసం 50 % మార్కులతో పదో తరగతి సహా, సంబంధిత ట్రేడ్‌లో ఐటీఐ ఉత్తీర్ణులై ఉండాలి.

వయోపరిమితి
RRC NER Apprentice Age Limit :అభ్యర్థుల వయస్సు 2024 జూన్ 12 నాటికి 15 ఏళ్ల నుంచి 24 ఏళ్ల మధ్యలో ఉండాలి.

దరఖాస్తు రుసుము
RRC NER Apprentice Application Fee :

• జనరల్, ఓబీసీ అభ్యర్థులు అప్లికేషన్ ఫీజుగా రూ.100 చెల్లించాలి.
• మహిళలు, దివ్యాంగులు, ఎస్టీ, ఎస్సీలు ఫీజు చెల్లించాల్సిన అవసరం లేదు.

శిక్షణ వ్యవధి
RRC NER Apprentice Training : యాక్ట్ అప్రెంటీస్​ పోస్టులకు ఎంపికైన అభ్యర్థులకు ఒక ఏడాది పాటు శిక్షణ ఇస్తారు.

ఎంపిక విధానం
RRC NER Apprentice Selection Process : పదో తరగతి, ఐటీఐ పరీక్షల్లో సాధించిన మార్కుల మెరిట్ ఆధారంగా అభ్యర్థులను ఎంపింక చేస్తారు.

దరఖాస్తు విధానం

• ముందుగా మీరు https://ner.indianrailways.gov.in/ వెబ్​సైట్ ఓపెన్ చేయాలి.
• RRC NER Apprentice Recruitment 2024 లింక్​పై క్లిక్ చేయాలి.
• దరఖాస్తు ఫారమ్​లో మీ వ్యక్తిగత, విద్యార్హతల వివరాలు నమోదు చేయాలి.
• అవసరమైన అన్ని డాక్యుమెంట్లు అప్లోడ్ చేయాలి.
• దరఖాస్తు రుసుము కూడా ఆన్​లైన్​లోనే చెల్లించాలి.
• అన్ని వివరాలు మరోసారి చెక్ చేసుకొని అప్లికేషన్​ను సబ్మిట్​ చేయాలి.
• భవిష్యత్ రిఫరెన్స్ కోసం అప్లికేషన్​ ప్రింట్​అవుట్​ను భద్రపరుచుకోవాలి.

ముఖ్యమైన తేదీలు

• దరఖాస్తు స్వీకరణ ప్రారంభం : 2024 జూన్​ 12
• ఆన్‌లైన్ దరఖాస్తుకు చివరి తేదీ : 2024 జులై 11