IND VS SA First ODI: దక్షిణాఫ్రికాతో బుధవారం జరగనున్న తొలి వన్డే మ్యాచ్కు సంబంధించిన తుదిజట్టు కూర్పు వివరాలను కెప్టెన్ కేఎల్ రాహుల్ తెలిపాడు. పేలవ ఫామ్తో జట్టుకు దూరమైన శిఖర్ ధావన్కు అవకాశం కల్పించాడు రాహుల్. జట్టులో రోహిత్ శర్మ లేకపోవడం వల్ల ధావన్కు జోడీగా మరో ఓపెనర్గా తాను ఆడనున్నట్లు స్పష్టం చేశాడు.
"ధావన్ చాలా అనుభవం ఉన్న ఓపెనర్. అతడి నుంచి జట్టు ఏం ఆశిస్తుందో అతను అర్థం చేసుకోవాలి. కెప్టెన్గా అతిడికి సపోర్ట్ ఇచ్చి.. భారత జట్టు మెరుగైన స్కోరు చేసేందుకు సహాయపడతా" అని రాహుల్ అన్నాడు.
బోలాండ్ పార్క్ మైదానం స్పిన్కు అనుకూలం కావడం వల్ల అశ్విన్-చాహల్ ద్వయం కీలక పాత్ర పోషిస్తారని అభిప్రాయపడ్డాడు. వారిద్దరూ తొలి రెండు మ్యాచుల్లో ఆడతారని అన్నాడు. దీంతో గతకొంత కాలంగా జట్టుకు దూరంగా ఉన్న చాహల్కు మరోసారి అవకాశం లభించినట్లు అయింది.
ఆరో బౌలర్గా అయ్యర్..
ఆల్రౌండర్ హార్దిక్ పాండ్యా గైర్హాజరు వల్ల జట్టులో ఆరో బౌలర్గా వెంకటేశ్ అయ్యర్కు అవకాశం కల్పించాలని నిర్ణయించినట్లు కేఎల్ రాహుల్ పేర్కొన్నాడు. గతేడాది జరిగిన ఐపీఎల్, న్యూజిలాండ్ టీ20 సిరీస్లలో వెంకటేశ్ మెరుగైన ప్రదర్శన చేశాడని చెప్పుకొచ్చాడు. జట్టులో ఫాస్ట్ బౌలింగ్ ఆల్రౌండర్లు కీలక పాత్ర పోషిస్తారని.. ఇది పరిగణించే అయ్యర్ను ఎంపిక చేసినట్లు తెలిపాడు.
జట్టుకు దూరంగా ఉన్న శిఖర్ ధావన్, చాహల్.. ఈ సారి మెరుగైన ప్రదర్శన చేసి జట్టులో స్థానాన్ని సుస్థిరం చేసుకుంటారని ఆశిస్తున్నట్లు కేఎల్ రాహుల్ వ్యాఖ్యానించాడు.
గత కొంతకాలంగా మెరగైన ప్రదర్శన చేస్తూ వచ్చిన రుతురాజ్ గైక్వాడ్కు ఈసారి కూడా తుది జట్టులో స్థానం లభించలేదు.
ఇదీ చూడండి: సఫారీలతో సమరానికి టీమ్ఇండియా సై .. అందరి కళ్లూ కోహ్లీపైనే
