Asia Cup 2023 : ఆసియా కప్పై కొనసాగుతున్న ప్రతిష్టంభన వీడటం లేదు. ఆసియా కప్ కోసం పాకిస్థాన్కు రాబోమని బీసీసీఐ తేల్చిచెప్పింది. దీంతో ఆసియా వేదికపై ప్రతిష్టంభన నెలకొంది. దీనికి పాకిస్థాన్ ప్రతిపాదించిన హైబ్రిడ్ మోడల్ను కూడా భారత్ తిరస్కరించింది. అయితే, తాజా సమాచారం ప్రకారం.. పాకిస్థాన్ లేకుండానే ఆసియా కప్ ఆడే ఆవకాశాలున్నట్లు తెలుస్తోంది. ఈ టోర్నమెంట్లో పాల్గొనడానికి.. పాకిస్థాన్ మినహా ఆసియా క్రికెట్ మండలి (ఏసీసీ) సభ్య దేశాలన్నీ ఆసక్తి చూపినట్లు సమాచారం. పాకిస్థాన్లో కాకుండా మరో వేదికపై నిర్వహించేదుకు అంగీకరించినట్లు తెలుస్తోంది. ఈ విషయంపై పాక్ తన మాటకే పట్టుబడితే.. ఆ జట్టు లేకుండా ఈ సారి ఆసియా జరగనుందని తెలుస్తోంది.
Asai cup Pakisthan : యూఏఈనీ తటస్థ వేదికగా పాకిస్థాన్ ప్రతిపాదించింది. అయితే అక్కడ ఉష్ణోగ్రత ఎక్కువగా ఉంటుందని.. అందుకే ఆ ప్రతిపాదనను బీసీసీఐ తిరస్కరించినట్లు సమాచారం. అయితే, అప్పటినుంచి వేదికగా శ్రీలంక పేరు వినిపిస్తోంది. దీనికి తోడు ఆసియా కప్ 2023ని పాక్లో కాకుండా శ్రీలంకలో ఆడటానికి మిగతా సభ్య దేశాలను ఏసీసీ అధ్యక్షుడు జై షా ఒప్పించారని వార్తలు వస్తున్నాయి. ఇతర ఏసీసీ దేశాలు కూడా ఇదే స్వరాన్ని వినిపిస్తున్నట్లు సమాచారం. ఈ వేదికకు పాక్ ఒప్పుకోక పోతే.. ఆ దేశం లేకుండా టోర్నీ జరుగుతుంది. రాబోయే ఆసియా క్రికెట్ మండలి సమావేశంలో సభ్య దేశాలన్నీ శ్రీలంకనే వేదికగా ఏకగ్రీవంగా ఆమెదించే అవకాశాలున్నాయి. ఇలా జరిగితే ఏసీసీ నిర్ణయాన్ని అంగీకరించడం లేదా టోర్నీ నుంచి పూర్తిగా వైదొలగం తప్ప పాకిస్థాన్కు మరోక మార్గం లేదు.
ఆసియా కప్పై నెలకొన్న ప్రతిష్టంభన, జరుగుతున్న పరిణామాల వల్ల రాబోయే ఛాంపియన్స్‌ ట్రోఫీ-2025 నిర్వహణ విషయంలోనూ సమస్యలు తలెత్తే అవకాశం ఉంది. దీనికి తోడు తమ దేశంలో ఆసియా కప్ ఆడకుంటే.. 2023 ఏడాది అక్టోబర్, నవంబర్లో జరగబోయే వన్డే వరల్డ్ కప్ ఆడబోమని ఇదివరకే పాకిస్థాన్ తేల్చిచెప్పింది. దీంతో ఈ టోర్నీపై కూడా పాక్ ఎలాంటి చిక్కులు తెచ్చిపెడుతుందో అన్న ఆందోళన మొదలైంది. ఈ క్రమంలో ఈ ఏడాది సెప్టెంబరులో జరగాల్సిన ఆసియా కప్ రద్దు అవతుంది అన్న చర్చ తెరపైకి వచ్చింది.
ఆసియా కప్ రద్దుకు బీసీసీఐ ప్లాన్!
Asia cup 2023 BCCI ఇకపోతే ఆసియా కప్ నిర్వహణపై పాకిస్థాన్ సమస్యలు సృష్టిస్తున్న నేపథ్యంలో.. బీసీసీఐ ఓ మాస్టర్‌ ప్లాన్ సిద్ధం చేస్తున్నట్లు తెలుస్తోంది. ఆసియా కప్ రద్దు చేసేందుకు బోర్డు సిద్ధమైనట్లు సమాచారం. ఈ ఆసియా కప్ టోర్నీ స్థానంలో ఐదు దేశాల టోర్నీ నిర్వహించాలనే ఆలోచనలో బీసీసీఐ ఉన్నట్లు ప్రచారం సాగుతోంది. ఇదే కనుక జరిగితే ఆసియా కప్ నిర్వహించే టైమ్ విండోలో ఈ ప్రతిపాదిత ఐదు దేశాల టోర్నీ ఆడే ఆస్కారముంది. కాగా, గతేడాది ఆసియా కప్ టీ20 మెగా టోర్నీలో భారత్, పాకిస్థాన్, శ్రీలంక, బంగ్లాదేశ్‌, అఫ్గానిస్థాన్లతో పాటు హాంగ్‌ కాంగ్‌ హోరాహోరీగా పోటీపడ్డాయి. అయితే ఈ మెగా ఈవెంట్‌లో శ్రీలంక ట్రోఫీని సొంతం చేసుకోగా.. పాకిస్థాన్ రన్నరప్‌గా నిలిచింది.
