Ruturaj Gaikwad Marriage : ఐపీఎల్ జట్టు చెన్నై సూపర్ కింగ్స్ స్టార్ ప్లేయర్ రుతురాజ్ గైక్వాడ్ పెళ్లిపీటలెక్కబోతున్నాడు. దేశవాళీ క్రికెట్లో దూసుకుపోతున్న మహిళా ఉత్కర్ష పవార్ క్రికెటర్ను వివాహమాడనున్నాడు. ఈ నెల 2,3 తేదీల్లో వీరిద్దరి వివాహం జరగనుంది. పూణెకు చెందిన ఉత్కర్ష పవార్.. ప్రస్తుతం మహారాష్ట్ర తరుఫున దేశవాళీ క్రికెట్లో ఆల్‌రౌండర్‌గా రాణిస్తోంది.
Ruturaj Gaikwad Wife : ఉత్కర్ష పవార్ 1998 అక్టోబర్ 13న మహారాష్ట్ర పుణెలో జన్మించింది. ఈమె తన 11 ఏళ్ల వయసు నుంచే క్రికెట్ ఆడటం మొదలుపెట్టింది. ప్రస్తుతం పూణెలోని ఇన్‌స్టిట్యూట్ ఆఫ్ న్యూట్రిషన్ అండ్ ఫిట్‌నెస్ సైన్స్‌లో చదువుతోంది.
- " class="align-text-top noRightClick twitterSection" data="
">
Ruturaj Gaikwad WTC Final : వరల్డ్ టెస్ట్ ఛాంపియన్‌షిప్ ఫైనల్ జట్టులో రుతురాజ్ గైక్వాడ్‌కు స్టాండ్ బై ప్లేయర్‌గా క్రికెట్ కమిటీ అవకాశం ఇచ్చింది. కానీ, పెళ్లి కారణంగా ఈ మెగా ఫైనల్కు ఎంపిక చేసిన జట్టు నుంచి తప్పుకుంటున్నట్లుగా ప్రకటించాడు. తన వివాహం ఉండటం వల్ల డబ్ల్యూటీసీ ఫైనల్కు అందుబాటులో ఉండనని గైక్వాడ్ ఇప్పటికే బీసీసీఐకి సమాచారమిచ్చాడు. దీంతో ఇతడి స్థానంలో మరో యువ ఆటగాడు యశస్వి జైస్వాల్‌ను ఎంపిక చేసింది బోర్డు. ఈ సందర్భంగా విరాట్ కోహ్లితో కలిసి లండన్ వెళ్లిన అతడు ప్రాక్టీస్తో బిజీగా ఉన్నాడు.
ఇటీవల ఐపీఎల్ ఫైనల్లో సీఎస్కే విజయం సాధించిన అనంతరం రుతురాజ్ గైక్వాడ్, ఉత్కర్ష పవార్ కెప్టెన్ ధోనీతో కలిసి ఓ ఫొటో దిగారు. అలాగే ఐపీఎల్ ట్రోఫీ పట్టుకొని విరిద్దరు కలిసి దిగిన ఫొటోను సైతం గైక్వాడ్ తన ఇన్స్టాగ్రామ్ ఖాతాలో షేర్ చేశాడు. ధోనీతో కలిసి దిగిన ఫొటోను పోస్ట్ చేస్తూ.. 'నా జీవితంలో ఇద్దరు వీవీఐపీలు' అనే క్యాప్షన్ను కూడా జోడించాడు. వీరి ఫొటోలను చూసిన కొందరు నెటిజన్లు పెళ్లి చేసుకోబోయే ఇద్దరికీ కంగ్రాట్స్ చెబుతున్నారు.
- " class="align-text-top noRightClick twitterSection" data="
">
Ruturaj IPL Stats : 2021లో జరిగిన ఐపీఎల్ సీజన్ లీగ్లో అత్యధిక పరుగుల చేసిన బ్యాటర్గా రుతురాజ్ నిలిచాడు. ఐపీఎల్ 2021లో ఆరెంజ్ క్యాప్ గెలిచిన గైక్వాడ్.. ఈ ఏడాది సీజన్లో 590 పరుగులు చేసి జట్టు విజయాల్లో ముఖ్య పాత్ర వహించాడు. గైక్వాడ్, మరో ఓపెనర్ డెవాన్ కాన్వేతో కలిసి పలు మ్యాచుల్లో మంచి పార్ట్నర్ షిప్ను నెలకొల్పారు. ఫైనల్ మ్యాచ్లోనూ వీరిద్దరూ కలిసి అద్భుతమైన ప్రదర్శనతో సత్తా చాటారు.
