North Korea Missile Test: ప్రపంచదేశాలు అభ్యంతరం వ్యక్తం చేస్తున్నా ఉత్తరకొరియా తన క్షిపణి ప్రయోగాలను ఆపట్లేదు. రష్యా-ఉక్రెయిన్ యుద్ధంతో నెలకొన్న పరిస్థితుల్లో కూడా కిమ్ సర్కారు వెనక్కి తగ్గట్లేదు. తాజాగా మరో క్షిపణిని శనివారం ప్రయోగించింది. ఈ విషయాన్ని దక్షిణ కొరియా వెల్లడించింది. ఈ క్షిపణిని సముద్రంలోకి ప్రయోగించినట్లు తెలిపింది. మరోవైపు దీనిపై స్పందించిన జపాన్ రక్షణ శాఖ.. ఉత్తరకొరియా ప్రయోగించినది బాలిస్టిక్ క్షిపణిగా భావిస్తున్నట్లు పేర్కొంది.
గత కొన్ని నెలలుగా వరుస క్షిపణి ప్రయోగాలు చేపడుతున్న ఉత్తరకొరియా.. ఈ ఏడాదిలో ఇప్పటివరకు తొమ్మిది ప్రయోగాలను చేపట్టింది. అణ్వాయుధాల కట్టిడిపై 2019లో అమెరికాతో జరిపిన చర్చలు విఫలమైన తర్వాత ఉత్తరకొరియా మరింత జోరు పెంచింది. తమ రక్షణ సామర్థ్యాన్ని మరింత బలోపేతం చేసుకునేలా ఈ ప్రయోగాలు చేపడుతోంది.
ఇదీ చూడండి : Ukraine Crisis: 'డెడ్‌హ్యాండ్‌'- అణుదాడికి అత్యంత రహస్య వ్యవస్థ
