Kalki Bujji: 'బుజ్జి బుజ్జి బుజ్జి' ప్రస్తుతం సినీ వర్గాల్లో నడుస్తున్న చర్చ ఇదే. రెబల్ స్టార్ ప్రభాస్ లేటెస్ట్ 'కల్కి' కోసం డైరెక్టర్ నాగ్ ఆశ్విన్ డిజైన్ చేసిన బుజ్జి (ఓ కారు)ని ఇంట్రడ్యూస్ చేసినప్పటి నుంచి సోషల్ మీడియాలో ఇదే ట్రెండింగ్లో ఉంది. రీసెంట్గా యంగ్ హీరో నాగచైతన్య కూడా ఆ కార్ను రైడ్ చేశాడు. మరి ఆ బుజ్జికి సంబంధించి పలు ఆసక్తికర విషయాలు మీకు తెలుసా?
- ఈ కారును డిజైన్ చేయడానికి ప్రముఖ ఆటోమొబైల్ కంపెనీలు మహీంద్రా, జయం మోటార్స్ సంస్థలు సహకరించాయి. దీని కొత్తగా మూడు టైర్లతో తయారు చేశారు. దాదాపు రూ. 7కోట్ల ఖర్చయ్యిందట.
- ఈ కారు డిజైన్ కోసం డైరెక్టర్ అశ్విన్ ఇంజినీరింగ్ పుస్తకాలు చదివారంట. వందల స్కెచ్లు కూడా వేసినట్లు తెలిసింది.
- కారుకు 34.5 అంగుళాల సైజు కలిగిన రిమ్స్‌ను అమర్చగా, ప్రత్యేకంగా సియట్‌ వాళ్లు టైర్లను డిజైన్ చేసి ఇచ్చారు. విదేశాల నుంచి దిగుమతి చేసుకున్న మెటీరియల్‌తో అల్యూమినియం అలాయ్‌ వీల్స్‌ను తయారు చేశారు.
- కారు బరువు మొత్తం ఆరు టన్నులు. ఒక్కో టైర్కు ఉన్న స్వింగ్‌ ఆర్మ్‌ బరువు దాదాపు టన్ను ఉంటుందట.
- కారు మొత్తం పొడవు 6075 MM; వెడల్పు 3380 MM; ఎత్తు 2186 MM. గ్రౌండ్‌ క్లియరెన్స్‌ 180 MM
- రియర్‌ వీల్‌ సస్పెన్షన్‌ కోసం ప్రత్యేకంగా తయారు చేసిన స్ప్రింగ్‌లను అమర్చి ఎటు కావాలంటే అటు తిరిగేలా చక్రాలను డిజైన్ చేశారు.
- కారుపైన ఉన్న డోర్‌ను దృఢమైన ఫైబర్‌ గ్లాస్‌తో తయారు చేశారు.
- బుజ్జి కారును సులువుగా నడిపేందుకు ఎలక్ట్రో హైడ్రాలిక్‌ స్ట్రీరింగ్‌ను అమర్చారు. ఇది కారులోని ఎలక్ట్రిక్‌ మోటార్‌కు, అది రియర్‌ వీల్‌కు కనెక్ట్ చేసి ఉంటుంది.
- ఆరు టన్నుల బరువు కలిగిన ఈ వాహనం కదలాలంటే భారీగానే శక్తి కావాలి. ఇందులో అమర్చిన ఇంజిన్‌ 94 కిలోవాట్‌ పీక్‌ పవర్‌, 9800 ఎన్‌ఎం టార్క్‌ను విడుదల చేస్తుంది. 47 కిలోవాట్‌ బ్యాటరీ ప్యాక్‌ను కారులో అమర్చారు.
- ఈ బుజ్జికి మరో స్పెషాలిటీ ఉంది. అదేంటంటే ఈ కారు సినిమాలో మాట్లాడుతుంది. ఈ బుజ్జికి స్టార్ హీరోయిన్ కీర్తి సురేశ్ వాయిస్‌ ఓవర్‌ ఇచ్చింది.
ఈ సినిమా జూన్ 27న వరల్డ్ వైడ్గా థియేటర్లలో రాబోతుంది. బాలీవుడ్ బ్యూటీలు దీపికా పదుకొణె, దిశా పటానీ నటిస్తున్నారు. ఇంకా బాలీవుడ్ స్టార్ బిగ్బీ అమితాబ్ బచ్చన్, లోకనాయకుడు కమల్ హాసన్ కీలక పాత్రలో కనిపించనున్నారు. మహాభారతంతో మొదలై క్రీస్తుశకం 2898లో పూర్తయ్యే కథ ఇది.
