Bigg Boss Telugu Season 7 Pallavi Prashanth : పల్లవి ప్రశాంత్​కు 26 ఎకరాలు, లగ్జరీ కార్లు, కోట్ల విలువ చేసే ఆస్తులు.. క్లారిటీ ఇచ్చిన అతని తండ్రి.!

Bigg Boss Telugu Season 7 Pallavi Prashanth : ప్రస్తుతం బిగ్​బాస్ తెలుగు సీజన్ 7 ప్రసారం అవుతున్న సంగతి మనందరికీ తెలిసిందే. అయితే ఈ సీజన్​లో అందరికంటే చాలా డిఫరెంట్ బ్యాక్‌గ్రౌండ్ నుంచి వచ్చాడు పల్లవి ప్రశాంత్. కామన్​ మ్యాన్​ కోటాలో మొదటిసారిగా రైతుబిడ్డగా ప్రశాంత్ మొదటిసారిగా బిగ్​బాస్ హౌజ్​లోకి ఎంట్రీ ఇచ్చాడు. అయితే అతను బిగ్​బాస్​లోకి రాకముందే అన్న మల్లొచ్చినా అంటూ సోషల్ మీడియాలో వీడియోలతో తెగ పాపులర్ అయ్యాడు. అన్నదాతల బాధలను ఏకరువు పెడుతూ నెట్టింట పల్లవి ప్రశాంత్ భారీగా క్రేజ్ సంపాందించాడు. పట్టుబట్టి మరీ బిగ్​ బాస్ తెలుగు సీజన్​ 7(Bigg Boss 7)లోకి అడుగుపెట్టాడు ప్రశాంత్. అలా హౌజ్​లో అడుగుపెట్టడమే ఆలస్యం.. ఓ బియ్యం బస్తా తీసుకెళ్లి కింగ్ నాగార్జునకు కానుకగా ఇచ్చాడు.

Bigg Boss Telugu 7 : ఇప్పటికే తనదైన శైలిలో గేమ్స్‌, టాస్కుల్లో చురుగ్గా పాల్గొంటూ ఫ్యాన్స్​ను ఎంటర్​టైన్ చేస్తున్నాడు పల్లవి ప్రశాంత్. బిగ్​బాస్​కు ప్రస్తుతం బాగా కంటెంట్ అందిస్తోన్న హౌజ్​మేట్స్​లో అతను కూడా ఒకరని చెప్పవచ్చు. ఇదిలా ఉంటే హౌజ్ బయట కూడా రైతు బిడ్డ ప్రశాంత్​కు భారీగా మద్దతు లభిస్తోంది. నామినేషన్స్​లోనూ ఇతనికి పెద్ద మొత్తంలోనే ఓట్లు పోలవుతున్నాయి. మరోవైపు ఇదే సమయంలో తోటి కంటెస్టెంటే పల్లవి ప్రశాంత్(Pallavi Prashanth)​ను టార్గెట్ చేస్తున్నారు. రైతు బిడ్డ అని చెప్పుకుంటూ పదే పదే సింపతీ క్రియేట్ చేసుకున్నాడంటూ తోటి కంటెస్టెంట్లు ప్రశాంత్​ను లక్ష్యంగా చేసుకుని విమర్శిస్తున్నారు. ఈ విమర్శలతో రైతుబిడ్డ క్రేజ్‌ తగ్గకపోగా ఆయనకు.. మరింత క్రేజ్ పెరుగుతోంది.

Pallavi Prashanth Latest News : హౌజ్​ లోపల ఇలా ఉంటే బయట సోషల్ మీడియాలో రైతు బిడ్డకు సంబంధించి ఒక వార్త చక్కర్లు కొడుతోంది. అది ఏంటంటే.. చాలా మంది పల్లవి ప్రశాంత్ అసలు పేదవాడు కాదని కోట్లాది రూపాయలు విలువ చేసే ఆస్తులు అతనికి ఉన్నాయంటున్నారు. ప్రశాంత్‍కు 26 ఎకరాల భూమి, నాలుగు అత్యంత ఖరీదైన కార్లు, లగ్జరీ హౌజ్ ఉందంటూ నెట్టింట వైరల్ అవుతుంది. కొద్ది రోజులుగా వస్తున్న ఈ రూమర్లపై తాజాగా అతని కుటుంబ సభ్యులు స్పందించారు.

Pallavi Prashanth Father Clarity on His Properties : ఈ సందర్భంగా మాట్లాడిన పల్లవి ప్రశాంత్‌ తండ్రి.. 'మా వాడి గురించి అక్కరకురాని వార్తలు ప్రచారం చేస్తున్నారు. 26 ఎకరాల పొలం, నాలుగు ఖరీదైన కార్లు, పెద్ద భవనాలు ఉన్నాయంటున్నారు. ఒకవేళ నిజంగా అవన్నీ ఉంటే బిగ్‌బాస్‌కు నా కొడుకు ఎందుకు వెళ్తాడు? నాలుగు కార్లు ఉంటే పెద్ద ఉద్యోగమే చేసుకునేవాడు కదా? అసలు 26 ఎకరాలు ఎక్కడున్నాయో చూపించండి. మాకున్నదల్లా కేవలం ఆరు ఎకరాల పొలం మాత్రమే! దాన్ని అందరికీ పంచితే పల్లవి ప్రశాంత్‌కు కేవలం రెండెకరాలు వస్తాయంతే. నా బిడ్డపై చిన్నచూపు చూస్తుంటే చాలా బాధేస్తుంది' అని ఆయన ఆవేదన వ్యక్తం చేశారు.