Ind vs Pak World Cup 2024: 2024 టీ20 వరల్డ్కప్ మరో మూడు వారాల్లో ప్రారంభం కానుంది. యావత్ క్రీడా ప్రపంచం దృష్టి జూన్ 9న జరిగే భారత్- పాకిస్థాన్ మ్యాచ్పైనే ఉండనుంది. ఈ ప్రతిష్ఠాత్మక మ్యాచ్కు న్యూయార్క్ నసావు క్రికెట్ స్టేడియం వేదిక కానుంది. ఈ మ్యాచ్ వరల్డ్కప్ టోర్నీలోనే హైలైట్గా నిలుస్తుంది అనడంలో ఎలాంటి డౌట్ లేదు. ఈ నేపథ్యంలో ఈ హై వోల్టేజ్ మ్యాచ్కు ఇంగ్లాండ్ ఎడ్జ్బాస్టన్ స్టేడియం నిర్వాహకులు ఫ్యాన్ పార్క్ ఏర్పాటు చేయనున్నారు.
ఆక్కడున్న క్రికెట్ అభిమానులకు లైవ్ మ్యాచ్ చూస్తున్న అనుభూతి కల్పించేందుకు ఫ్యాన్ పార్క్లో భారీ స్క్రీన్ ఏర్పాటు చేయనున్నట్లు స్టేడియం నిర్వాహకులు తెలిపారు. ఈ మేరకు ఐసీసీ కూడా అనుమతి లభించినట్లు పేర్కొన్నారు. ఈ ఫ్యాన్ పార్క్ దాదాపు 8వేల మంది రావొచ్చని అంచనా వేస్తున్నారు. మొట్టమొదటిసారి ఐసీసీ యూకే క్రికెట్ ఫ్యాన్స్కు ఎడ్జ్బాస్టన్ నుంచి లైవ్ వీక్షించే అవకాశం కల్పించింది. ఇక ఈ ఫ్యాన్ పార్క్నకు భారత్, పాకిస్థాన్కు చెందిన పలువురు ఆటగాళ్లు కూడా రానున్నట్లు తెలుస్తోంది.
'ఇంగ్లాండ్లో ఫ్యాన్ జోన్ పార్క్కు మా ఒక్కరికే అవకాశం లభించింది. ఇది అమేజింగ్. వరల్డ్కప్ టోర్నీలు ప్రపంచవ్యాప్తంగా ప్రజలకు చేరువవ్వాలంటే ఫ్యాన్ పార్క్లు అవసరం. 2019 వరల్డ్కప్లో ఇక్కడ భారత్- పాకిస్థాన్ మ్యాచ్ జరిగినప్పుడు కూడా విశేష ఆదరణ లభించింది. ఇప్పుడు కూడా ఆడియెన్స్ నుంచి అదే రేంజ్ రెస్పాన్స్ ఉంటుందని భావిస్తున్నాం. ఫ్యాన్ పార్క్ గురించి మరిన్ని వివరాలు త్వరలోనే వెల్లడిస్తాం' అని ఎడ్జ్బాస్టన్ స్టేడియం నిర్వాహకులు ఒకరు చెప్పారు.
అచ్చం వాంఖడేలాగే:
ఇండోపాక్ మ్యాచ్కు ఆతిథ్యమివ్వనున్న న్యూయార్క్ స్టేడియాన్ని ఒలింపిక్ గోల్డ్ మెడలిస్ట్, వరల్డ్కప్ బ్రాండ్ అంబాసిడర్ ఉసెన్ బోల్డ్ రీసెంట్గా ప్రారంభించాడు. ఈ స్టేడియం న్యూయార్క్ ఈస్ట్మేడ్లోని ఐసెన్హోవర్ పార్క్లో, 34 వేల సీటింగ్ కెపాసిటీతో నిర్మించారు. అయితే ఈ స్టేడియం బౌండరీ లైన్ విషయంలో దాదాపు ముంబయి వాంఖడే మైదానాన్ని పోలి ఉంటుందని ఐసీసీ తెలిపింది. ఈ స్టేడియంలో బౌండరీ లైన్ పిచ్ నుంచి నలువైపులా 65- 70 మీటర్లకు కొంచెం అటు ఇటుగా ఉంది. ఈ వరల్డ్కప్ టోర్నీలో భారత్- పాకిస్థాన్ సమరంతో సహా మరో 8 మ్యాచ్లకు ఈ స్టేడియం వేదికకానుంది.
భారత్ x పాక్- హై వోల్టేజ్ మ్యాచ్లో భారీ స్కోర్లు!- బౌండరీ లైన్ అంత దగ్గరగానా? - T20 WORLD CUP 2024
జెట్ స్పీడ్లో న్యూయార్క్ స్టేడియం పనులు- ట్రక్కుల్లో మైదానానికి చేరిన పిచ్లు - T20 World Cup 2024