మెగాస్టార్ చిరంజీవి-విక్టరీ వెంకటేశ్ కలిసి నటించబోతున్నారా అంటే అవుననే సమాధానం జోరుగా వినిపిస్తోంది. ప్రస్తుతం చిరు.. దర్శకుడు బాబీతో కలిసి 'వాల్తేరు వీరయ్య' సినిమా చేస్తున్నారు. ప్రముఖ నిర్మాణ సంస్థ మైత్రి మూవీ మేకర్స్‌ నిర్మిస్తోంది. ఇప్పటికే ఫ్యాన్స్కు డబుల్ బొనాంజ ట్రీట్ ఇచ్చేందుకు ఈ చిత్రంలో మాస్ మహారాజా రవితేజ నటిస్తున్నారు. అయితే ఇప్పుడు మరో ఇంట్రెస్టింగ్ వార్త ఒకటి బయటకు వచ్చింది. అదేంటంటే ఈ మూవీలో విక్టరీ వెంకటేశ్ కూడా కనిపించనున్నారట. క్లైమాక్స్లో గెస్ట్ రోల్లో వచ్చి ఫ్యాన్స్ను సర్ప్రైజ్ చేస్తారని టాక్ వినిపిస్తోంది. త్వరలోనే దీనిపై అధికార ప్రకటన వచ్చే అవకాశముంది.
కాగా, మెగా 154వ ప్రాజెక్ట్‌గా సిద్ధమవుతోన్న ఈ చిత్రాన్ని వచ్చే ఏడాది సంక్రాంతి కానుకగా ప్రేక్షకుల ముందుకు తీసుకురానున్నారు. మాస్ కథాంశంతో సిద్ధమవుతోన్న ఈ సినిమాలో చిరుకు జోడీగా శ్రుతిహాసన్‌ నటిస్తున్నారు. ఇందులో చిరు ఫుల్‌ మాస్ లుక్‌లో కనిపించనున్నారు. దేవిశ్రీ ప్రసాద్‌ స్వరాలు సమకూరుస్తున్నారు.
ఇదీ చూడండి: అధికారిక లాంఛనాలతో నేడు కృష్ణంరాజు అంత్యక్రియలు
