టాలీవుడ్ యంగ్ టైగర్ ఎన్టీఆర్ ప్రస్తుతం ఓ వైపు 'ఆర్ఆర్ఆర్' సక్సెస్ను ఆస్వాదిస్తూనే మరో వైపు కొరటాల దర్శకత్వంలో తెరకెక్కుతున్న 'ఎన్టీఆర్ 30' షూట్లో బిజీగా ఉన్నారు. అయితే తాజాగా ఎన్టీఆర్ బాలీవుడ్లోకి ఎంట్రీ ఇవ్వనున్నారన్న వార్తలు నెట్టింట తెగ హల్చల్ చేస్తోంది. అయితే సినీ వర్గాల సమాచారం ప్రకారం ఆ వార్త నిజమేనట. ఆయన బాలీవుడ్లోకి త్వరలోనే ఎంట్రీ ఇవ్వనున్నారట. అదీ కూడా బ్లాక్ బస్టర్ హిట్ అయిన 'వార్' సినిమా సీక్వెల్లో కనిపించనున్నారట. ఈ విషయాన్ని బాలీవుడ్ క్రిటిక్ తరణ్ ఆదర్శ్ ట్విట్టర్ వేదికగా తెలిపారు.
వార్ సినిమా మొదటి భాగంలో హృతిక్ రోషన్, టైగర్ ష్రాఫ్ కీలక పాత్రలు పోషించారు. ఆ సినిమలో వీరిద్దరి మధ్య భారీ యాక్షన్ సీన్స్ తెరకెక్కాయి. అయితే ఇద్దరూ పోటా పోటీగా నటించినప్పటికీ.. చివరకి, టైగర్ ష్రాఫ్ క్యారెక్టర్ మరణించినట్టు చూపించారు. అయితే అప్పట్లోనే ఆ సినిమాకు సీక్వెల్ ఉంటుందని నిర్మాణ సంస్థ యశ్ రాజ్ ఫిల్మ్స్ ప్రకటించింది. అయితే తాజాగా వచ్చిన అప్డేట్ ప్రకారం ఈ సినిమాలో యంగ్ టైగర్ మెరవనున్నారట. వీరిద్దరి మధ్య భారీ యాక్షన్ సన్నీవేశాలు ఉంటాయని బాలీవుడ్ వర్గాల సమాచారం. ఇక యశ్ రాజ్ ఫిల్మ్స్ సన్నిహిత వర్గాలు తెలిపిన వివరాల ప్రకారం ఈ సినిమాలో నటించేందుకు ఎన్టీఆర్ అంగీకరించారట.
ఎన్టీఆర్ 31గా 'వార్ 2' ?
ప్రస్తుతం కొరటాల దర్శకత్వంలో తెరకెక్కుతున్న 'ఎన్టీఆర్ 30' షూట్లో బిజీగా ఉన్నారు యంగ్ టైగర్. ఇక ఈ సినిమా తర్వాత 'కెజీయఫ్' డైరెక్టర్ ప్రశాంత్ నీల్తో ఓ సినిమాకు ఓకే చెప్పారు. 'సలార్' షూటింగ్ కంప్లీట్ అయ్యాక..ఎన్టీఆర్ సినిమా సెట్స్ పైకి వెళ్లనున్నట్లు సమాచారం. అయితే దాని కంటే ముందే 'వార్ 2' షూటింగ్లో పాల్గొనేందుకు ఎన్టీఆర్ ప్లాన్ చేస్తున్నారట. ఇక ఈ ఏడాది ఆఖరిలో 'వార్ 2'ను సెట్స్ మీదకు తీసుకువెళ్లేందుకు యశ్ రాజ్ ఫిల్మ్స్ అధినేత ఆదిత్య చోప్రా భావిస్తున్నారట.
'వార్' కోసం 'బ్రహ్మాస్త్ర' దర్శకుడు..
2019లో రిలీజైన 'వార్' సినిమాకు 'పఠాన్' డైరెక్టర్ సిద్దార్థ్ ఆనంద్ దర్శకత్వం వహించారు. అయితే రానున్న సీక్వెల్కు మాత్రం అయాన్ ముఖర్జీ దర్శకత్వం వహించనున్నారని సమాచారం. ఇక ఈ సినిమాకు ప్రముఖ దర్శక - నిర్మాత ఆదిత్య చోప్రా కథ అందించారట. ఇక 'వైఆర్ఎఫ్ స్పై యూనివర్స్' అనే పేరుతో ఇండియన్ జేమ్స్ బాండ్ తరహా సినిమాలకు యశ్ రాజ్ ఫిల్మ్స్ శ్రీకారం చుట్టింది. 'ఏక్ థా టైగర్', 'టైగర్ జిందా హై', 'వార్', 'పఠాన్' సినిమాలన్నీ ఆ యూనివర్స్లో భాగంగా తెరకెక్కినవే.
-
IT’S OFFICIAL… HRITHIK - JR NTR IN ‘WAR 2’… #YRF pulls off a casting coup… #HrithikRoshan and #JrNTR will share screen space for the first time in #War2… #AyanMukerji directs. #YRFSpyUniverse pic.twitter.com/rGu8Z3Nzs7
— taran adarsh (@taran_adarsh) April 5, 2023 " class="align-text-top noRightClick twitterSection" data="
">IT’S OFFICIAL… HRITHIK - JR NTR IN ‘WAR 2’… #YRF pulls off a casting coup… #HrithikRoshan and #JrNTR will share screen space for the first time in #War2… #AyanMukerji directs. #YRFSpyUniverse pic.twitter.com/rGu8Z3Nzs7
— taran adarsh (@taran_adarsh) April 5, 2023IT’S OFFICIAL… HRITHIK - JR NTR IN ‘WAR 2’… #YRF pulls off a casting coup… #HrithikRoshan and #JrNTR will share screen space for the first time in #War2… #AyanMukerji directs. #YRFSpyUniverse pic.twitter.com/rGu8Z3Nzs7
— taran adarsh (@taran_adarsh) April 5, 2023
