వనస్థలిపురంలో బీభత్సం సృష్టించిన పాలవ్యాను... ఇద్దరు మృతి
Road Accident: వనస్థలిపురంలో విషాదం చోటుచేసుకుంది. హయత్నగర్ నుంచి వస్తున్న లారీ బీభత్సం సృష్టించింది. అత్యంత వేగంతో ద్విచక్రవాహనాలను ఢీకొట్టడంతో ఇద్దరు అక్కడిక్కడే మృతిచెందారు. మరికొందరికి తీవ్ర గాయాలయ్యాయి. హయత్నగర్ నుంచి ఎల్బీనగర్ వైపు వెళ్తున్న పాలవ్యాను... బ్రేకులు ఫెయిలై డివైడర్‌ను ఢీకొట్టింది. అనంతరం ఎదురుగా వెళ్తున్న ద్విచక్రవాహనాన్ని ఢీకొట్టడంతో పాటు రహదారి పక్కన ఉన్న దుకాణాలపైకి దూసుకెళ్లింది.
ఈ ప్రమాదంలో ఇద్దరు వ్యక్తులు మృతిచెందారు. మరికొందరికి గాయాలయ్యాయి. క్షతగాత్రులను అక్కడివారు సమీపంలోని ఆసుపత్రికి తరలించారు. మద్యం మత్తులోనే ప్రమాదం జరిగిందని స్థానికులు తెలిపారు. ఘటనా స్థలానికి చేరుకున్న పోలీసులు కేసు నమోదు చేసుకుని దర్యాప్తు చేపట్టారు.
