Virat Kohli Retirement: టీమ్ఇండియా స్టార్ బ్యాటర్ విరాట్ కోహ్లీ తన రిటైర్మెంట్ గురించి ఆసక్తికర వ్యాఖ్యలు చేశాడు. కెరీర్కు గుడ్బై చెప్పిన తర్వాత తన ప్లాన్స్ గురించి వెల్లడించాడు. రిటైర్మెంట్ తర్వాత కొంతకాలం ఎవరికీ కనిపించనని అన్నాడు. ప్రస్తుతం ఐపీఎల్లో బిజీగా ఉన్న విరాట్ రీసెంట్గా ఆర్సీబీ రాయల్ గలా డిన్నర్ ప్రోగ్రామ్లో ఈ వ్యాఖ్యలు చేశాడు.
'ఓ క్రీడాకారుడిగా మాకు కెరీర్ ముగించాల్సిన రోజు ఒకటి ఉంటుంది. నేను కూడ ఎప్పటికీ ఇలాగే ఆడలేను. నాకు ఇప్పటికైతే కెరీర్ పరంగా ఎలాంటి రిగ్రెట్స్ లేవు. 'ఫలానా రోజు ఇలా చేసి ఉంటే బాగుండేది' అనుకుంటూ కెరీర్ను ముగించడం నాకు ఇష్టం లేదు. చేయలేని దాని గురించి ఎక్కువగా ఆలోచించకుండా ముందుకెళ్తా. ఇక ఏదో ఒకరోజు నేను కూడా ఆటకు ముగింపు పలుకుతా. ఆ తర్వాత కొంతకాలం మీకు ఎవరికీ నేను కనిపించను. అందుకే ఆడినన్ని రోజులు బెటర్ పెర్ఫార్మెన్స్ ఇవ్వడానికే ప్రయత్నిస్తా. అదే నన్ను ముందుకు నడిపిస్తోంది' అని విరాట్ అన్నాడు. దీంతో ఫ్యాన్స్ ఆందోళన చెందుతున్నారు. తొందరలో ఎలాంటి నిర్ణయం తీసుకోవద్దని కోరుతున్నారు.
ఇక 35ఏళ్ల విరాట్ ఇప్పటిదాకా ఒక్కసారి కూడా ఫిట్నెస్ సమస్యలతో జట్టుకు దూరం కాలేదు. 2008లో అంతర్జాతీయ క్రికెట్ ప్రారంభించిన విరాట్ భారత్కు అనేక విజయాలు అందించాడు. మూడు ఫార్మాట్లలో విరాట్ తనదైన మార్క్ చూపుతూ కోట్లాది ఫ్యాన్స్ను సంపాదించాడు. వన్డేల్లో అత్యధిక సెంచరీ (50)లతోపాటు అనేక రికార్డులు తన పేరిట లిఖించుకున్నాడు.
- " class="align-text-top noRightClick twitterSection" data="">
Virat Kohli IPL 2024: ప్రస్తుత ఐపీఎల్లోనూ విరాట్ అదరగొడుతున్నాడు. ఇప్పటివరకు 13మ్యాచ్లు ఆడిన విరాట్ 66.10 సగటుతో 661 పరుగులు చేసి ఆరెంజ్ క్యాప్ రేస్లో అందరికంటే ముందున్నాడు. ఇక ఆర్సీబీ శుక్రవారం చెన్నై సూపర్ కింగ్స్తో చివరి లీగ్ మ్యాచ్ ఆడనుంది. ఈ మ్యాచ్ ఇరుజట్లకు అత్యంత కీలకం కానుంది. అయితే ఈ మ్యాచ్కు వర్షం ముప్పుపొంచి ఉంది. ఒకవేళ మ్యాచ్ వర్షం కారణంగా రద్దైతే ఆర్సీబీ టోర్నీ నుంచి నిష్క్రమిస్తుంది.
'విరాట్ మళ్లీ కెప్టెన్ అవ్వాలి- ధోనీలా ఇంపాక్ట్ చూపిస్తాడు!' - IPL 2024
అంపైర్పై కోహ్లీ మళ్లీ ఫైర్ - ఈ సారి ఏం జరిగిందంటే? - IPL 2024
