DOCTOR KIDNAP CASE UPDATE: ఆంధ్రప్రదేశ్‌లోని తిరుపతి జిల్లా చంద్రగిరి మండలం బుచ్చినాయుడుపల్లిలో కిడ్నాప్‌నకు గురైన డాక్టర్ సుష్మ వ్యవహారం మలుపులు తిరుగుతోంది. గుంటూరుకి చెందిన ఓ వైకాపా కార్పొరేటర్ కుమార్తె సుష్మ అని.. వారి కుటుంబసభ్యులే ఆమెను తీసుకెళ్లారని ఉదయం ఆమె అత్త సుమతి పోలీసులకు ఫిర్యాదు చేశారు. బుచ్చినాయుడుపల్లికి చెందిన తన కుమారుడు మోహనకృష్ణ-సుష్మ రెండు నెలల కిందట ప్రేమ వివాహం చేసుకున్నారని తెలిపారు. ఇది ఇష్టం లేని అమ్మాయి కుటుంబసభ్యులు.. రాత్రి ఇంటిపై దాడి చేసి సుష్మను తీసుకెళ్లారని వాపోయారు.
తనకు, తన కుమారుడు మోహనకృష్ణకు ప్రాణహాని ఉందని.. రక్షణ కల్పించాలని పోలీసులను కోరారు. ఇది జరిగిన కొన్ని గంటల తర్వాత సుష్మ గుంటూరు నుంచి తప్పించుకుని మళ్లీ తిరుపతికి వచ్చింది. భర్తతో కలిసి ఎస్పీ పరమేశ్వర్‌రెడ్డిని ఆశ్రయించింది. తమ కుటుంబసభ్యుల నుంచి రక్షణ కల్పించాలని కోరినట్లు తెలిసింది.
ఇవీ చదవండి:
