Janhvi Kapoor Marriage : బాలీవుడ్‌ హీరోయిన్ అలనాటి అందాల తార శ్రీదేవి కూతురు జాన్వీ కపూర్ గురించి తెలిసిందే. స్టార్ హీరోయిన్గా ఎదిగేందుకు తనకు వచ్చిన ప్రతీ అవకాశాన్ని ఉపయోగించుకుంటోంది. త్వరలోనే మిస్టర్‌ అండ్‌ మిసెస్‌ మహి సినిమాతో ప్రేక్షకుల ముందుకు రానుంది. ఈ సందర్భంగా ప్రమోషన్స్‌లో బిజీగా ఉన్న ఆమె వరుస ఈవెంట్లలోనూ పాల్గొంటోంది. తాజాగా సినిమాకు సంబంధించిన ఫస్ట్ సాంగ్ను విడుదల చేశారు. ఈ సాంగ్ రిలీజ్ ఈవెంట్లో పాల్గొన్న జాన్వీ తనకు కాబోయే భర్త ఎలా ఉండాలో తెలిపింది.
"అతడు నా కలలను తన కలలుగా భావించాలి. నాకు ధైర్యాన్ని ఇవ్వాలి. ఎప్పుడూ నన్ను సంతోషంగా చూసుకోవాలి. నేను ఏడ్చినప్పుడు నా పక్కనే ఉండి ఓదార్చాలి. అలాంటి లక్షణాలు ఉన్న వ్యక్తినే నేను పెళ్లి చేసుకుంటాను" అని చెప్పుకొచ్చింది. కాగా, జాన్వీ గత కొంత కాలంగా మహారాష్ట్ర మాజీ సీఎం సుశీల్‌ కుమార్‌ షిండే మనవడు శిఖర్‌తో రిలేషన్షిప్లో ఉన్నట్లు జోరుగా ప్రచారం సాగుతోంది. రీసెంట్గా మైదాన్‌ మూవీ ప్రీమియర్‌ షోలోనూ ఆమె శిఖు (శిఖర్‌ పహాడియా) అనే లోగో ఉన్న నెక్లెస్‌ వేసుకుంది. ఆ ఫొటోలు కూడా సోషల్ మీడియాలో బాగా వైరల్‌ అయ్యాయి. అలానే ఓ సందర్భంలో తన ఫోన్‌లో స్పీడ్‌ డయల్‌ లిస్ట్లో తన తండ్రి, చెల్లి, శిఖర్‌ పేర్లు ఉంటాయని చెప్పింది. దీంతో ఈ రూమర్స్‌కు మరింత బలం చేకూరింది.
ఇకపోతే మిస్టర్‌ అండ్‌ మిసెస్‌ మహి సినిమా విషయానికొస్తే శరణ్‌శర్మ దర్శకత్వంలో ఈ చిత్రం తెరకెక్కుతోంది. క్రికెట్ బ్యాక్ డ్రాప్తో రానున్న ఈ సినిమాలో మహేంద్ర పాత్రలో రాజ్‌కుమార్‌, మహిమ పాత్రలో జాన్వీ కనిపించనున్నారు. అపూర్వ మోహతా, కరణ్‌జోహార్‌ ఈ చిత్రాన్ని సంయుక్తంగా నిర్మించారు. మే 31న ప్రేక్షకుల ముందుకు రానుందీ చిత్రం. దీని తర్వాత జాన్వీ కపూర్ టాలీవుడ్కు ఎన్టీఆర్ దేవరతో(Janhvi Kapoor Devara Movie) పరిచయం కానుంది. దీని తర్వాత రామ్చరణ్ బుచ్చిబాబు సినిమాలోనూ నటించనుంది.
క్రికెట్ బాల్తో స్టార్ హీరో పళ్లు విరగొట్టిన జాన్వీ! - Janvi Kapoor
