Janvi Kapoor Rajkummar Rao : హీరోయిన్ జాన్వీ కపూర్ గురించి ప్రత్యేకంగా చెప్పనక్కర్లేదు. బాలీవుడ్లో వరుస సినిమాలు చేస్తున్న ఈ భామ ప్రస్తుతం తెలుగులోనూ వరుసగా స్టార్ హీరోల చిత్రాలను లైన్లో పెడుతోంది. అయితే తాజాగా తన కొత్త సినిమా ప్రమోషన్స్లో బిజీగా ఉన్న ఈ ముద్దుగుమ్మ ఓ స్టార్ హీరో పళ్లను పగులగొట్టింది!
అసలేం జరిగిందంటే? - జాన్వీ కపూర్, రాజ్కుమార్ రావు జంటగా నటించిన Mr & Mrs మహీ సినిమా ట్రైలర్ తాజాగా విడుదలైంది. దీన్ని జాన్వి, రాజ్ కుమార్ తమ సోషల్ మీడియాలో పోస్ట్ చేశారు. ఇందులో భాగంగా ప్రమోషన్స్ కోసం ఓ సరదా వీడియోను చేశారు. ఈ వీడియోలో జాన్వీ తడబడుతూనే బ్యాట్ పట్టుకుంది. రాజ్ కుమార్ ఏం పర్లేదు అంటూ బంతిని సంధించాడు. బ్యాట్తో బాల్ను బలంగా ఒక షాట్ కొట్టింది జాన్వీ. ఆ బాల్ సరాసరి రాజ్ కుమార్ పెదాల మీద తగిలి పళ్లు ఊడాయి. బాధతో విలవిలలాడాడు రాజ్కుమార్. అలా హీరో పళ్లను పగులకొట్టింది జాన్వీ. ప్రస్తుతం ఈ ఫన్నీ వీడియో నెట్టింట్లో చక్కర్లు కొడుతోంది.
కాగా, మే 31న విడుదల కానున్న ఈ చిత్రానికి షరన్ శర్మ దర్శకత్వం వహిస్తున్నారు. పెద్దలు కుదిర్చిన పెళ్లి ద్వారా దంపతులుగా మారిన ఓ ఇద్దరి భార్యభర్తలే కథ ఈ Mr & Mrs మహీ. క్రికెటర్ కావాలనుకున్న తన కలను నిజం చేసుకోలేకపోయిన మహేంద్రగా రాజ్ కుమార్ రావ్ నటిస్తుండగా, క్రికెట్ మీద విపరీతమైన ఇష్టం ఉన్న డాక్టర్ మహిమగా జాన్వి కనిపించనుంది. అయితే భర్త సహకారంతో మహిమ క్రికెటర్గా ఎలా ఎదిగింది అనే కథాంశంతో తెరకెక్కుతోంది. ఈ మూవీని జీ స్టూడియో, ధర్మ ప్రొడక్షన్స్ కలిసి నిర్మిస్తున్నారు.
ఇక జాన్వి తెలుగు సినిమాల విషయానికి వస్తే ఎన్టీఆర్ దేవరతో టాలీవుడ్ తెరకు పరిచయం కానుంది. ఈ చిత్రం అక్టోబర్లో విడుదల కానుంది. ఇ ఆ తర్వాత ఉప్పెన ఫేమ్ బుచ్చి బాబు దర్శకత్వంలో వస్తున్న RC16లో రామ్ చరణ్ సరసన హీరోయిన్ గా నటించనుంది జాన్వీ.
మరో హాలీవుడ్‌ సినిమాలో ఛాన్స్ కొట్టేసిన టబు - Tabu Hollywood Film
