Maruti Suzuki Upcoming Cars : దేశంలోనే అతిపెద్ద కార్ల తయారీ సంస్థ మారుతి సుజుకి వచ్చే 2-3 ఏళ్లలో 8 సరికొత్త మోడల్ కార్లను లాంఛ్ చేయడానికి సన్నాహాలు చేస్తోంది. ఇప్పటికే తమ వాహనాలతో దేశీయ మార్కెట్లో మంచి గుర్తింపు తెచ్చుకున్న మారుతి సుజుకి, తన సరికొత్త మోడల్స్తో, వాహన రంగంలోని తమ ప్రత్యర్థులకు గట్టి పోటీ ఇవ్వడానికి సిద్ధమవుతోంది.
Next Gen Maruti Suzuki Swift And Dzire Car Launch Date : మారుతి సుజుకి ఈ 2024లోనే నెక్ట్స్ జెన్ స్విఫ్ట్, డిజైర్ కార్లను లాంఛ్ చేయనుంది. ఈ కార్లలో 1.2 లీటర్ సామర్థ్యం గల 3 సిలిండర్ Z-సిరీస్ పెట్రోల్ ఇంజిన్ విత్ హైబ్రిడ్ సిస్టమ్ను అమర్చారు. అదే విధంగా వీటి డిజైన్లోనూ, కారు ఇంటీరియర్లోనూ పలుమార్పులు చేసినట్లు సమాచారం.
- " class="align-text-top noRightClick twitterSection" data="">
- " class="align-text-top noRightClick twitterSection" data="">
Maruti Suzuki Upcoming Electric Cars : మారుతి సుజుకి ఎలక్ట్రిక్ వాహనాలపైనా తన దృష్టిని కేంద్రీకరిస్తోంది. అందులో భాగంగా eVX ఎలక్ట్రిక్ ఎస్యూవీని తయారు చేస్తోంది. దీని బ్యాటరీ సామర్థ్యం 60 కిలోవాట్స్. దీనిని ఒకసారి ఫుల్ ఛార్జ్ చేస్తే, ఏకంగా 550 కి.మీ వరకు ప్రయాణించవచ్చు. అయితే 48 కిలోవాట్స్ సామర్థ్యం ఉన్న మరో బ్యాటరీ ఆప్షన్ను కూడా తీసుకువస్తున్నట్లు సమాచారం. ఈ విద్యుత్ కారును పూర్తిగా భారత్లోనే తయారు చేస్తోంది మారుతి సుజుకి. తక్కువ బడ్జెట్లో మంచి ఎలక్ట్రిక్ కారు కొనాలని అనుకునేవారికి ఇది బెస్ట్ ఆప్షన్ అవుతుందని చెప్పవచ్చు.
- " class="align-text-top noRightClick twitterSection" data="">
Upcoming Maruti Suzuki SUV Cars : మారుతి సుజుకి మరో రెండు ఎస్యూవీ కార్లను కూడా రూపొందిస్తోంది. వీటిలో Y17 అనే 7-సీటర్ SUV కారును 2015లో లాంఛ్ చేసే అవకాశం ఉంది. Y43 అనే మైక్రో SUV కారును 2026-27 సంవత్సరాల్లో విడుదల చేసే అవకాశం కనిపిస్తోంది. మారుతి సుజుకి Y43 అనేది టాటా పంచ్, హ్యుందాయ్ ఎక్స్టర్లకు గట్టిపోటీ ఇచ్చే అవకాశం ఉంది. అలాగే Y17 కారు నేరుగా టాటా సఫారీ, మహీంద్రా 700SUVలకు పోటీగా నిలవనుంది.
- " class="align-text-top noRightClick twitterSection" data="">
Upcoming Maruti Suzuki MPV Cars : మారుతి సుజుకి కంపెనీ 'మల్టీ పర్పస్ వెహికిల్స్' (MPV) పైనా ప్రత్యేకంగా దృష్టిని కేంద్రీకరించింది. అందులో భాగంగా YDB అనే కోడ్ నేమ్తో ఒక మినీ ఎంపీవీ కారును తయారు చేస్తోంది. మారుతి స్పేసియా ఆధారంగా 4 మీటర్ల కన్నా తక్కువ పొడవుతో రూపొందిస్తున్న ఈ 7 సీటర్ కారును 2026 సంవత్సరంలో లాంఛ్ చేసే అవకాశం ఉంది. కుటుంబ సభ్యులు అందరితో కలిసి ప్రయాణించాలని అనుకునేవారికి ఇది బెస్ట్ ఆప్షన్ అవుతుంది.
Maruti Suzuki Electric Cars : మారుతి సుజుకి పర్యావరణ ప్రేమికుల కోసం, ఎంట్రీ-లెవెల్ ఎలక్ట్రిక్ హ్యాచ్బ్యాక్ కారును రూపొందిస్తోంది. బహుశా ఇది మారుతి వ్యాగన్ఆర్ ఎలక్ట్రిక్ వెర్షన్ అయ్యుంటుందని మార్కెట్ వర్గాల టాక్. ఇదే కనుక అందుబాటులోకి వస్తే టాటా టియాగో ఈవీకి గట్టిపోటీ ఇవ్వడం ఖాయం. ఈ మారుతి సుజుకి ఎలక్ట్రిక్ కారును ఒకసారి రీఛార్జ్ చేస్తే 230 కి.మీ రేంజ్ వరకు ప్రయాణించవచ్చని తెలుస్తోంది. పట్టణ ప్రాంతాల్లో ప్రయాణించేవారికి ఇది బెస్ట్ ఆప్షన్ అవుతుంది.
మారుతి సుజుకి కొత్త బయ్యర్లను, ఫ్యామిలీలను మాత్రమే కాదు, పర్యావరణ ప్రేమికులను సైతం ఆకర్షించడానికి ప్రణాళికలు వేస్తోంది. అందులో భాగంగానే సరికొత్త EV, SUV, MPV వాహనాలను రూపొందిస్తోంది. వీటిని 2026లోపు ఇండియన్ మార్కెట్లో విడుదల చేయడానికి సన్నాహాలు చేస్తోంది.
రూ.8 లక్షల బడ్జెట్లో మంచి కారు కొనాలా? టాప్-10 మోడల్స్ ఇవే!
మంచి స్కూటర్ కొనాలా? రూ.1 లక్ష బడ్జెట్లోని టాప్-10 మోడల్స్ ఇవే!
