లాక్డౌన్ సమయాన్ని సద్వినియోగపరచుకునేందుకు బెంగళూరు- టాటా కన్సల్టెన్సీ సర్వీసెస్(టీసీఎస్) అద్భుతమైన అవకాశాన్ని కల్పించింది. టీసీఎస్ అయాన్ విభాగం ద్వారా 15 రోజుల పాటు ఉచిత నైపుణ్య శిక్షణను అందిస్తున్నట్లు ఓ ప్రకటనలో తెలిపింది. కళాశాల విద్యార్థులు, ఉద్యోగార్థులు.. వారి నైపుణ్యాన్ని మెరుగుపరచుకొనేందుకు ప్రత్యేకంగా 'కెరీర్ ఎడ్జ్' పేరిట 'సెల్ఫ్-పేస్డ్ డిజిటల్ సర్టిఫికేషన్ ప్రోగ్రామ్'ను రూపొందించింది.
'ఈ కార్యక్రమంలో అభ్యాసకులు నేర్చుకునేందుకు వీలుగా నానో వీడియోలు, కేస్ స్టడీస్ ఉంటాయి. నైపుణ్యం పరంగా వారి బలాలు- బలహీనతలను అంచనా వేసుకోవచ్చు. ఈ ప్రోగ్రామ్ను మొబైల్ఫోన్, ల్యాప్టాప్, డెస్క్టాప్, ట్యాబ్ల వంటి పరికరాలలో యాక్సెస్ చేసుకోవచ్చు. తద్వారా మనకు అవసరమైన విధంగా ఉపయోగించుకునే వెసులుబాటు ఉంటుంది. ఈ కోర్సులు విద్యార్థులు, విద్యావేత్తలకు చక్కగా తోడ్పడతాయి.'
- టాటా కన్సల్టెన్సీ సర్వీసెస్, బెంగళూరు
కొవిడ్-19 వ్యాప్తి నేపథ్యంలో... ఇంతకముందే ఇలాంటి కార్యక్రమాన్ని రూపొందించింది టీసీఎస్ అయాన్. ప్రపంచవ్యాప్తంగా అనేక విద్యాసంస్థలకు 'డిజిటల్ గ్లాస్ రూమ్' పేరిట 'వర్చువల్ లెర్నింగ్' వేదికగా ఉచిత విద్యా కోర్సులను అందిస్తోంది.
ఇదీ చదవండి: కరోనా కాలంలో అప్పు కావాలా? ఇవి తెలుసుకోండి...
