దిగ్గజ టెలికాం సంస్థ జియో, గూగుల్తో కలిసి రూపొందిస్తున్న స్మార్ట్ఫోన్(Jio smartphone).. జియోఫోన్ నెక్ట్స్. ఈ స్మార్ట్ఫోన్ సెప్టెంబరు 10న విడుదల చేయనున్నట్లు జియో ఇదివరకే ప్రకటించింది. అయితే తాజాగా ఈ విడుదలను వాయిదా వేస్తున్నట్లు సంస్థ గురువారం ప్రకటించింది. జియోఫోన్ నెక్ట్స్ను (Jio Phone next) దీపావళి సందర్భంగా అందుబాటులోకి తేనున్నట్లు ప్రకటనలో పేర్కొంది.
అదే కారణం..
జియోఫోన్ ప్రస్తుతం ప్రయోగ దశలో ఉందని.. వినాయక చవితి సందర్భంగా అందుబాటులోకి తేలేకపోవడానికి అదే కారణమని జియో వెల్లడించింది. ఫోన్ తయారీకి సంబంధించి మెరుగైన పురోగతినే సాధించామని పేర్కొంది. దీపావళి నాటికి.. ప్రస్తుతం ప్రపంచవ్యాప్తంగా ఏర్పడిన సెమీకండక్టర్ల కొరత కూడా తగ్గే అవకాశం ఉందని జియో అభిప్రాయపడింది.
ఇదీ చూడండి : వచ్చే నెల నుంచి ఆ బ్యాంకుల చెక్‌బుక్‌లు పనిచేయవు!
