2019-20 ఆర్థిక సంవత్సరానికి సంబంధించి జీఎస్టీ వార్షిక రిటర్నుల దాఖలుకు కేంద్రం మరోసారి గడువు పొడిగించింది. జీఎస్టీఆర్-9, జీఎస్టీఆర్-9(సీ) రిటర్నుల దాఖలుకు ఈ నెలాఖరుతో ముగియాల్సి ఉన్న గడువును మరో నెల పెంచి.. మార్చి 31 వరకు అవకాశం ఇస్తున్నట్లు ఆదివారం ప్రకటించింది. ఇప్పటికే 2020, డిసెంబర్ 31నుంచి ఫిబ్రవరి 28 వరకు అవకాశం కల్పించింది. తాజా నిర్ణయంతో రెండోసారి గడువు పొడిగించినట్లైంది.
"మొదట విధించిన కాల పరిమితి ప్రకారం..పన్ను చెల్లింపుదారులు అనేక ఇబ్బందులు ఎదుర్కొంటున్నట్లు మా దృష్టికి వచ్చింది. అందుకే 2019-20 ఆర్థిక సంవత్సరానికి గానూ జీఎస్టీఆర్-9, జీఎస్టీఆర్-9(సీ) రిటర్నుల దాఖలు చేసేందుకు మార్చి 31 వరకు ఆఖరు. ఇది కేంద్ర ఎన్నికల సంఘం అనుమతి మేరకే పొడిగించాం."
-కేంద్ర ఆర్థిక శాఖ
