బిహార్ భాగల్పుర్లోని సుందరావతి మహిళా మహా విద్యాలయం తీసుకున్న నిర్ణయం వివాదాస్పదంగా మారింది. కళాశాల ఆవరణలో యువతులు పక్కాగా జడ వేసుకుని కనిపించాలని ఆదేశాలు జారీ చేసింది కాలేజ్ యాజమాన్యం. అంతేగాకుండా ఈ ఏడాది ఇంటర్లో చేరిన బాలికలకు ప్రత్యేక డ్రెస్కోడ్ను నిర్దేశించింది. దీనితో పాటు విద్యార్థినిలు కళాశాల ఆవరణలో సెల్ఫీలు తీసుకోవడం కూడా నిషేధించినట్లు ఉత్తర్వుల్లో పేర్కొంది.
అమ్మాయిలు లూజ్ హెయిర్తో వస్తే వారిని కళాశాలలోకి అనుమతించమని ప్రిన్సిపాల్ ప్రొఫెసర్. రామన్ సిన్హా తేల్చి చెప్పారు. కళాశాల కమిటీ తీసుకున్న నిర్ణయం ప్రస్తుతం వివాదాస్పదంగా మారుతోంది.
కమిటీ సిఫార్సుల మేరకే..
సైన్స్, కామర్స్, ఆర్ట్స్ అనే మూడు విభాగాలు ఉన్న ఈ కళాశాలలో ప్రస్తుతం 1,500 మంది అమ్మాయిలు చేరారు. ఈ నేపథ్యంలో ప్రిన్సిపాల్ కొత్త డ్రెస్ కోడ్ను నిర్ణయించడానికి ఓ కమిటీని ఏర్పాటు చేశారు. అందులో ఉన్న సభ్యులు సూచించిన దుస్తులనే ధరించాలని కళాశాల యాజమాన్యం నిర్ణయించింది. సంస్థ అదేశాలను ఎవరైనా అతిక్రమించి డ్రెస్కోడ్ లేకుండా, జడ వేసుకోకుండా వచ్చే వారికి ప్రవేశం లేదని స్పష్టం చేసింది.
ఇదీ చూడండి: Afghan news: తాలిబన్ చెర నుంచి సురక్షితంగా స్వదేశానికి..
