Highest Profits Indian movie : ఇండియన్ ఫిల్మ్ హిస్టరీలో అత్యధిక వసూళ్లు సాధించిన సినిమా అనగానే చాలా మంది సినీ ప్రియులకు ఆమీర్ ఖాన్ నటించిన దంగల్ చిత్రమే గుర్తొస్తుంది. ఈ సినిమా ప్రపంచవ్యాప్తంగా రూ.2 వేల కోట్లకుపైనే కలెక్షన్లను అందుకుంది. ఇక దంగల్ తర్వాత బాహుబలి, కేజీయఫ్ 2, పఠాన్, జవాన్, ఆర్ఆర్ఆర్ వంటి చిత్రాలు రూ.1000 కోట్లకుపైగా వసూళ్లను అందుకున్నాయి. కానీ ఈ చిత్రాల వసూళ్లను వాటి బడ్జెట్తో పోలిస్తే మరి భారీ స్థాయిలో ఎక్కువేమీ కాదనే చెప్పాలి. కానీ 2017లో విడుదలైన సీక్రెట్ సూపర్ స్టార్ సినిమా మాత్రం అలా కాదు. కేవలం రూ.15 కోట్ల బడ్జెట్తో తెరకెక్కి ప్రపంచవ్యాప్తంగా ఏకంగా రూ.900 కోట్ల రూపాయలను ఖాతాలో వేసుకుంది.
Secret Super Star Movie Collections : హా మీరు చదివింది నిజం. బడ్జెట్ కన్నా దాదాపు 60 రెట్లు ఎక్కువన్న మాట. అలా అత్యధిక లాభాలు అందుకున్న సినిమాగా నిలిచింది సీక్రెట్ సూపర్ స్టార్. ఈ చిత్రం కూడా ఆమిర్ ఖాన్దే కావడం మరో విశేషం. ఆయనే ఈ చిత్ర నిర్మాత. సినిమాలోనూ గెస్ట్ రోల్లో కనిపించారు. జైరా వసీం చిత్రంలో ప్రధాన పాత్ర పోషించారు.
ఈ చిత్రానికి ఎక్కువ భాగం వసూళ్లు చైనా నుండి వచ్చినవే. భారత దేశంలో ఈ సినిమాకు రూ.90 కోట్ల గ్రాస్, రూ.64 కోట్ల నెట్ వసూళ్లు వచ్చాయి. ఓవర్సీస్ నుంచి మరో రూ.65 కోట్లు వరకు అందాయి. మొత్తంగా మొదటిసారి విడుదలైనప్పుడు ప్రపంచవ్యాప్తంగా రూ.155కోట్ల గ్రాస్ కలెక్షన్లు వచ్చాయి.
Secret Super Star Movie Netflix Streaming : తర్వాత రెండో సారి 2018లో చైనాలో రిలీజ్ చేశారు ఈ సీక్రెట్ సూపర్ స్టార్ను. అప్పుడు ఆ దేశంలో ఏకంగా 10 కోట్ల డాలర్లకుపైనే వచ్చాయట. అలా మొత్తంగా ప్రపంచవ్యాప్తంగా రూ.905 కోట్ల కలెక్షన్లను అందుకుంది. ప్రస్తుతం ఈ సినిమా నెట్‌ఫ్లిక్స్ ఓటీటీలో అందుబాటులో ఉంది.
OTTలోకి ముగ్గురు ముద్దుగుమ్మల రూ.100 కోట్ల సినిమా - స్ట్రీమింగ్ ఎక్కడంటే? - Crew OTT Release Date
