మహారాష్ట్రలోని రాయగఢ్ జిల్లా ముంబయి- పుణె ఎక్స్ప్రెస్వేపై ఘోర రోడ్డు ప్రమాదం జరిగింది. మూడు వాహనాలు ఢీకొన్న ఈ ఘటనలో ముగ్గురు ప్రాణాలు కోల్పోయారు. మరో ఆరుగురు తీవ్రంగా గాయపడ్డారు. సోమవారం ఉదయం సుమారు 5.30 గంటలకు ఈ ప్రమాదం జరిగినట్టు సమాచారం.
ట్రక్కు అదుపు తప్పడం వల్లే ఈ ప్రమాదం జరిగినట్లు అధికారులు వెల్లడించారు. మితినీరిన వేగంతో ప్రయాణిస్తున్న ట్రక్కు అదుపు తప్పి ముందున్న కారును ఢీకొందని.. ఈ క్రమంలో ఆ కారు దాని ముందున్న మరో ట్రక్కును ఢీకొందని తెలిపారు. ఈ ప్రమాదంలో రెండు ట్రక్కుల మధ్య కారు నుజ్జునుజ్జు అయ్యింది. ముగ్గురు మరణించారు.
ఈ ఘటనలో గాయపడిన ఆరుగురిని అధికారులు స్థానిక ఆసుపత్రికి తరలించారు.
ఇదీ చూడండి : పరిశ్రమలో భారీ అగ్ని ప్రమాదం.. ఇద్దరు మృతి
