భారత దేశం 100 కోట్ల డోసుల టీకా పంపిణీ మైలురాయిని(india vaccination count) అందుకున్న నేపథ్యంలో వ్యాక్సిన్ల ఉత్పత్తిదారులు, ఆరోగ్య కార్యకర్తలు, ఈ ఘనత సాధించేందుకు దోహదపడిన వారందరికీ ప్రధానమంత్రి నరేంద్ర మోదీ కృతజ్ఞతలు తెలిపారు(pm modi news). కరోనాపై పోరులో దేశ ప్రజలకు 100కోట్ల టీకాల 'సురక్షిత కవచం' లభించిందన్నారు.
దిల్లీ ఎయిమ్స్లోని ఎన్సీఐలో (నేషనల్ కేన్సర్ ఇన్స్టిట్యూట్) ఇన్ఫోసిస్ సంస్థకు చెందిన విశ్రామ్ సదన్ను వీడియో కాన్ఫరెన్స్ ద్వారా ఆవిష్కరించారు మోదీ. ఈ నేపథ్యంలో టీకా 100కోట్ల మైలురాయి ఘనత ప్రతి ఒక్క భారతీయుడి సొంతమని తెలిపారు.
"100 ఏళ్లల్లోనే అతిపెద్ద మహమ్మారిని ఎదుర్కొనే దిశగా.. దేశానికి 100కోట్ల టీకా రక్షణ లభించింది. ఇది ప్రతి భారతీయుడికి సొంతం."
-- నరేంద్ర మోదీ, ప్రధానమంత్రి.
దేశ ఆరోగ్యసేవలను మెరుగుపరిచేందుకు భారత్లోని కార్పొరేటు, ప్రైవేటు రంగాలు, సామాజిక వ్యవస్థలు ఎనలేని కృషిచేస్తున్నాయని కొనియాడారు ప్రధాని. జిల్లాకు ఒక వైద్య కళాశాల ఏర్పాటు చేయడంలో ప్రైవేటు రంగానిదే కీలక పాత్ర అన్నారు.
రూ. 93 కోట్ల వ్యయంతో విశ్రామ్ సదన్ను ఇన్ఫోసిస్ను నిర్మించింది. అక్కడ భూమి, విద్యుత్, నీరు ఏర్పాట్లకు ఎయిమ్స్ ఝజ్జర్ ఏర్పాట్లు చేసింది. ఇందులో మొత్తం 806 పడకలు ఉంటాయి. కేన్సర్ బాధితుల కుటుంబ సభ్యులు విశ్రాంతి తీసుకునేందుకు ఏసీతో కూడిన ఈ కేంద్రాన్ని ఏర్పాటు చేశారు. ఈ నేపథ్యంలో ఇన్ఫోసిస్ సిబ్బందిని మోదీ అభినందించారు.
ఇవీ చూడండి:-
