థాయిలాండ్కు చెందిన అరణ్వి అనే ఓ మహిళ.. కాళీమాతలా ప్రవర్తిస్తోంది. తనకు కాళీమాత కళలోకి వస్తోందని చెబుతోంది. కాళీమాత పూనినట్లు నాలుక బయటకు తీసి.. ఉగ్రరూపం దాల్చుతోంది. బిహార్ గయాలో ఈ ఘటన జరిగింది. ఈ వార్త చుట్టుపక్కల ప్రజలకు వ్యాపించగా.. కాళీమాతలా కనిపిస్తున్న అరణ్విని దర్శించుకునేందుకు భక్తులు భారీగా తరలివస్తున్నారు. ఆమెను దేవతగా భావించి హారతులు ఇచ్చి.. పూజలు చేస్తున్నారు. అరణ్వి నుంచి ఆశీర్వాదం కూడా తీసుకుంటున్నారు.
'థాయ్లాండ్కు చెందిన అరణ్వి.. గతంలోనే బోద్గయాకు వచ్చారు. బౌద్ధ కుటుంబంలో పుట్టి, ఆ మతాన్ని ఆచరించే ఆమె.. ఆ తర్వాత సనాతన ధర్మంలోకి మారారు. వేల రూపాయలు వెచ్చించి కాళీ మందిరాన్ని నిర్మిస్తున్నారు. పేద ప్రజల కోసం అనేక మంచి పనులు సైతం చేస్తున్నారు. థాయ్ దేవతగా.. థాయిలాండ్లోనూ ఆమె సుపరిచితులే' అని అరణ్వి సహాయకుడు పుష్కర్ వర్మ తెలిపారు.
కాగా, తనకు కలలో కాళీమాత కనిపించేదని అరణ్వి చెబుతున్నారు. 'నాకు కలలో భారతదేశం కనిపించింది. భారత్లోని బోధ్గయాకు రాగానే ముందుగా కాళీ మాత మందిరాన్ని దర్శించుకున్నా' అని అరణ్వి పేర్కొన్నారు.
