Game Changer Heroine : టాలీవుడ్ స్టార్ హీరో రామ్చరణ్ ప్రస్తుతం నటిస్తున్న మూవీ గేమ్ ఛేంజర్. కోలీవుడ్ స్టార్ డైరెక్టర్ శంకర్ దర్శకత్వంలో తెరకెక్కుతున్న ఈ పాన్ ఇండియా సినిమా షూటింగ్ చివరి దశకు చేరుకుంది. త్వరలోనే పొలిటికల్ యాక్షన్ థ్రిల్లర్గా మూవీ ప్రేక్షకుల ముందుకు రానుంది. ఇంకా రిలీజ్ డేట్ను మేకర్స్ ఖరారు చేయలేదు. అయితే ఈ సినిమాలో హీరోయిన్గా బాలీవుడ్ బ్యూటీ కియారా అడ్వాణీ నటిస్తున్న విషయం తెలిసిందే.
మరో హీరోయిన్ కూడా!
ఇప్పుడు ఈ సినిమాలో హీరోయిన్గా మరో బ్యూటీ నటిస్తుందోట. ఆమె ఎవరో కాదు స్టార్ హీరోయిన్, తెలుగమ్మాయి అంజలి. ఈ విషయం ఆమెనే స్వయంగా చెప్పింది. అంజలి నటిస్తున్న గ్యాంగ్స్ ఆఫ్ గోదావరి మూవీ మరో ఐదు రోజుల్లో విడుదల కానుంది. ఈ నేపథ్యంలో ఆమె మీడియాతో మాట్లాడింది. విశ్వక్ సేన్ గ్యాంగ్స్ ఆఫ్ గోదావరి సినిమాలో రత్నమాల రోల్లో కనిపించనున్నానని తెలిపింది. అప్పుడే గేమ్ ఛేంజర్ కోసం కూడా మాట్లాడింది.
అవన్నీ రూమర్సే!
గేమ్ ఛేంజర్ మూవీ గురించి ఎన్నో విషయాలు చెప్పాలనుందని, కానీ ఏదైనా మేకర్స్ ఇస్తేనే బాగుంటుందని వెయిట్ చేస్తున్నట్లు తెలిపింది. తాను గేమ్ ఛేంజర్‌లో కీ రోల్‌కే పరిమితం కాదని చెప్పింది. అందులో తానొక హీరోయిన్ అని వెల్లడించింది. ఈ సినిమాలో తాను క్యారెక్టర్‌ ఆర్టిస్ట్‌గా కనిపిస్తానని మేకర్స్ ప్రకటించలేదు కదా, నిర్మాణ సంస్థ నుంచి అధికారిక ప్రకటన రానంత వరకు అన్నీ రూమర్సే అని తెలిపింది.
-
— Anjali (@yoursanjali) May 6, 2024
ఫ్లాష్ బ్యాక్ ఎపిసోడ్, అందమైన పాట!
సినిమాలో హీరోయిన్ కియారా అడ్వాణీ, అంజలి ఓ పాత్ర పోషిస్తుందని చాలామంది అనుకుంటున్నారని, అది గాసిప్‌ అని తెలిపింది అంజలి. తన పాత్రకు సంబంధించి ఫ్యాష్‌బ్యాక్‌ ఎపిసోడ్, ఓ అందమైన పాట ఉంటాయని వెల్లడించింది. అయితే ఈ మూవీలో శ్రీకాంత్, ఎస్జే సూర్య, నవీన చంద్ర కీలకపాత్రలు పోషిస్తున్నారు. ఇప్పటికే మూవీ నుంచి జరగండి సాంగ్ను రిలీజ్ చేశారు మేకర్స్. త్వరలోనే మరో అప్డేట్ ఇవ్వనున్నారు.
