కరోనా సోకిన వారు.. కొవాగ్జిన టీకా(covaxin india) ఒక్క డోసు వేసుకుంటే.. అది రెండు డోసులతో సమానమని ఐసీఎంఆర్(icmr covid) అధ్యయనంలో తేలింది. కొవిడ్ సోకని వారు రెండు డోసులు వేసుకుంటే ఉత్పన్నమయ్యే యాంటీబాడీల ప్రతిస్పందనలు.. కొవిడ్ బాధితుల్లో ఒక్క డోసుతోనే వస్తాయని స్పష్టమైంది.
"ఇవి ప్రాథమిక ఫలితాలు మాత్రమే. భారీ స్థాయిలో జనాభాపై ఇంకా అధ్యయనం చేయాల్సి ఉంది. అక్కడ కూడా ఇదే రుజువైతే.. కొవిడ్ బాధితులకు బీబీవీ152(కొవాగ్జిన్ కోడ్నేమ్) టీకా సింగిల్ డోసును సిఫార్సు చేయవచ్చు. ఇదే జరిగితే.. టీకాలు ఎక్కువగా అందుబాటులో ఉండి.. అందరికీ లభించే అవకాశం పెరుగుతుంది."
--- ఐసీఎంఆర్.
ఈ అధ్యయనం ఇండియన్ జర్నల్ ఆఫ్ మెడికల్ రీసెర్చ్లో శనివారం ప్రచురితమైంది. 2021 ఫిబ్రవరి- మే మధ్యలో చెన్నైలో కొవాగ్జిన్ తీసుకున్న 114 మంది వైద్యులు, ఆరోగ్య కార్యకర్తలపై ఈ అధ్యయనం జరిగింది.
తొలి డోసు తీసుకునే ముందు రోజు, టీకా తీసుకున్న 28వ రోజు, 56వ రోజున యాంటీబాడీల ప్రతిస్పందనలు ఏ విధంగా ఉన్నాయన్న కోణంలో ఈ అధ్యయనం జరిగింది. అనంతరం వైరస్ సోకిన వారిలో యాంటీబాడీల ప్రతిస్పందనలను, కొవిడ్ అంటుకోని వారితో పోల్చిచూశారు. ఇద్దరిని మినహాయిస్తే.. వైరస్ సోకిన అందరిలోనూ ఒకే డోసుతో యాంటీబాడీల ప్రతిస్పందనలు మెరుగ్గా ఉన్నట్టు అధ్యయనంలో వెల్లడైంది.
దేశీయంగా రూపొందించిన తొలి కరోనా టీకా కొవాగ్జిన్ అత్యవసర వినియోగానికి జనవరిలో అనుమతులు లభించాయి. ప్రస్తుతానికి 4-6 వారాల వ్యవధిలో రెండు టీకాలు ఇస్తున్నారు.
వచ్చే నెలలో ఆమోదం!
కరోనా కట్టడికి భారత్ బయోటెక్‌ తయారు చేసిన కొవాగ్జిన్ టీకాకు త్వరలోనే ప్రపంచ ఆరోగ్య సంస్ధ (డబ్ల్యూహెచ్ఓ) అనుమతి లభించే అవకాశం ఉన్నట్లు తెలిసింది(who covaxin approval status). వచ్చే నెలలో దీనిపై అధికారిక ప్రకటన వచ్చే అవకాశం ఉన్నట్లు సమాచారం. కొవాగ్జిన్ టీకాకు సంబంధించిన ప్రీ-సబ్‌మిషన్‌ సమావేశాన్ని డబ్ల్యూహెచ్ఓ ఇప్పటికే పూర్తి చేసింది. డోసియర్‌ను ఆమోదించడం సహా రోలింగ్‌ డేటా పరిశీలనను ఈ నెలలో ప్రారంభించింది. తుది నిర్ణయం తీసుకోవడమే మిగిలి ఉందని తెలిసింది.
సైడ్ ఎఫెక్ట్స్ తక్కువే..
భారత్లో కరోనా టీకా తీసుకున్న వారిలో ఎక్కువమందికి ఎలాంటి దుష్ప్రభావాలు(Vaccine Side Effects) కలగలేదని లోకల్ సర్కిల్స్ నిర్వహించిన ఓ సర్వేలో తేలింది. కొంత మందిలో మాత్రం స్వల్ప జ్వరం వంటి లక్షణాలు కనిపించినట్లు స్పష్టమైంది.
సర్వే ప్రకారం.. కొవాగ్జిన్ తొలి డోసు తీసుకున్న 64 శాతం మందిలో చాలావరకు సైడ్ ఎఫెక్ట్స్ లేవు. కొవాగ్జిన్ టీకా రెండో డోసు తీసుకున్న 2 శాతం మందికి కరోనా సోకింది. 3 శాతం మందిలో జ్వరం కంటే తీవ్రమైన అనారోగ్య లక్షణాలు కన్పించాయి.
ఇదీ చూడండి:- Delta Variant: వ్యాక్సిన్ తీసుకున్నా 'డెల్టా' ముప్పు.. కానీ!
