Apple AI Tool Ask : యాపిల్ కంపెనీ తమ యూజర్ల కోసం ఎప్పటికప్పుడు సరికొత్త అప్డేట్స్ తీసుకువస్తూ ఉంటుంది. అందులో భాగంగా చాట్జీపీటీని పోలిన Ask అనే ఏఐ టూల్ను అభివృద్ధి చేసింది. ప్రస్తుతం దీనిని తమ సపోర్ట్ స్టాఫ్తో టెస్ట్ చేయిస్తోంది.
ట్రైనింగ్ ఇస్తున్నారు!
యాపిల్ కంపెనీ ఈ 'ఆస్క్' ఏఐ టూల్కు చాలా సంక్లిష్టమైన ప్రశ్నలు వేసి, సరైన సమాధాలు ఇచ్చేలా ట్రైన్ చేస్తోంది. అయితే దీనిని చాట్జీపీటీలా అందరికీ అందుబాటులోకి తేవడం లేదు. కేవలం యాపిల్ యూజర్ల కోసం మాత్రమే దీనిని తీసుకువస్తున్నారు.
లాంఛ్ ఎప్పుడు?
యాపిల్ కంపెనీ ఈ 2024లోనే ఈ 'ఆస్క్' ఏఐ టూల్ను లాంఛ్ చేసే అవకాశం ఉంది. బహుశా WWDC 2024లోనే దీనిపై ఒక క్లారిటీ వచ్చే అవకాశం ఉంది.
'సిరి'కి ఏఐ బూస్ట్
యాపిల్ కంపెనీ ఆర్టిఫీషియల్ ఇంటెలిజెన్స్ టూల్స్ అభివృద్ధిపై పూర్తి స్థాయిలో దృష్టి కేంద్రీకరించింది. అందులో భాగంగా యాపిల్ జీపీటీ అనే కొత్త ఏఐ చాట్బాట్ను రూపొందించింది. అలాగే వాయిస్ అసిస్టెంట్ 'సిరి'ని కూడా ఏఐతో అనుసంధానం చేస్తోంది. అంతేకాదు ఐఓఎస్ 18తోనూ ఏఐను అనుసంధానం చేస్తోందని తెలుస్తోంది. అయితే ఈ విషయంలో యాపిల్ కంపెనీ అధికారికంగా ఎలాంటి ప్రకటన చేయలేదు.
Google Gemma : గూగుల్ కంపెనీ Gemma పేరుతో ఒక సరికొత్త ఏఐ మోడల్ను విడుదల చేసింది. 'జెమ్మా' అనే ఈ లాటిన్ పదానికి 'విలువైన రాయి' అనే అర్థం ఉంది.
ఈ జెమ్మా ఏఐ మోడల్ అనేది సురక్షితమైన ఏఐ అప్లికేషన్లు రూపొందించడానికి చాలా అనువుగా ఉంటుంది. కనుక డెవలపర్లకు ఇది బాగా ఉపయోగపడుతుందని గూగుల్ కంపెనీ చెబుతోంది.
Google Chrome 'Help me write' Feature : గూగుల్ క్రోమ్ 'హెల్ప్ మీ రైట్' అనే ఏఐ ఫీచర్ను తీసుకువచ్చింది. దీనిని మ్యాక్, విండోస్ పీసీల్లో ఉపయోగించుకోవచ్చు. దీని ద్వారా మీరు కోరుకున్న టెక్ట్స్ను పొందవచ్చు. లేదా ఇప్పటికే రాసిన వ్యాసాన్ని మెరుగుపరుచుకోవచ్చు.
గూగుల్కు షాక్! X-mailను తీసుకొస్తున్న ఎలాన్ మస్క్
చాట్జీపీటీకి పోటీగా రిలయన్స్ 'హనుమాన్' ఏఐ మోడల్- లాంఛ్ ఎప్పుడంటే?
