ఇంగ్లాండ్​ పై అశ్విన్​ రికార్డుల మోత - 100 వికెట్లు సాధించిన తొలి భారత బౌలర్‌గా ఘనత

R Ashwin England Series : రాంచీ వేదికగా ఇంగ్లాండ్​తో జరుగుతున్న నాలుగో టెస్ట్ మ్యాచ్​లో టీమ్ఇండియా స్టార్ స్పిన్నర్ రవిచంద్రన్​ అశ్విన్ ఓ అరుదైన రికార్డును తన ఖాతాలో వేసుకున్నాడు. అదేంటంటే ?

R Ashwin England Series : ఇటీవలే టెస్టు క్రికెట్​లో 500 వికెట్ల మైలురాయిని దాటిన టీమ్ఇండియా స్టార్ స్పిన్నర్​ రవిచంద్రన్ అశ్విన్ తాజాగా మరో రికార్డును తన ఖాతాలో వేసుకున్నాడు. ఇంగ్లాండ్‌తో జరుగుతున్న నాలుగో టెస్టులోనూ ఓ అరుదైన రికార్డును తన ఖాతాలో వేసుకున్నాడు. ఇంగ్లాండ్ జట్టుపై టెస్టుల్లో 100 వికెట్లు తీసిన తొలి భారతీయ బౌలర్‌గా చరిత్రకెక్కాడు. రాంచీ వేదికగా జరుగుతున్న మ్యాచ్​లో ఈ ఘనతను అశ్విన్ సాధించాడు.

ఇంగ్లాండ్‌పై జరుగుతున్న తొలి ఇన్నింగ్స్‌ 21వ ఓవర్‌లో అశ్విన్‌ వేసిన రెండో బంతికి ఇంగ్లాండ్ ప్లేయర్​ బెయిర్‌ స్టో ఔటయ్యాడు. దీంతో ఈ జట్టుపై టెస్టుల్లో 100 వికెట్ల మార్క్​ (23 మ్యాచ్‌ల్లో) సాధించాడు. అంతేకాకుండా భారత్‌, ఇంగ్లాండ్‌ మధ్య టెస్టుల్లో 100 వికెట్లు తీసిన రెండో బౌలర్​గానూ అశ్విన్ రికార్డుకెక్కాడు. అయితే ఈ జాబితాలో అశ్విన్​ కంటే ముందు ఇంగ్లాండ్ క్రికెటర్ జేమ్స్‌ అండర్సన్‌ టీమ్‌ఇండియాపై టెస్టుల్లో 139 వికెట్లు (35 మ్యాచ్‌ల్లో) తీసి టాప్​ పొజిషన్​లో ఉన్నాడు.

మరోవైపు టెస్టుల్లో ఒక దేశంపై వేయి పరుగులు + 100 వికెట్లు తీసిన తొలి భారత బౌలర్‌గానూ అశ్విన్‌ మరో అరుదైన రికార్డును తన ఖాతాలో వేసుకున్నాడు. ఇలా క్రికెట్​ హిస్టరీలో ఈ ఘనతను సాధించింన ఏడో బౌలర్‌గా అశ్విన్ నిలిచాడు. అయితే అతడి కంటే ముందు జార్జ్‌ గిఫెన్‌, మోనీ నోబెల్‌, విల్‌ఫ్రెడ్‌ రోడ్స్‌, గార్‌ఫీల్డ్‌ సోబెర్స్‌, ఇయాన్‌ బోథమ్‌, స్టువర్ట్‌ బ్రాడ్‌ ఈ రికార్డును చేజిక్కించుకున్నారు.

• A special 💯! 👏 👏
  
  1⃣0⃣0⃣th Test wicket (and counting) against England for R Ashwin! 🙌 🙌
  
  Follow the match ▶️ https://t.co/FUbQ3Mhpq9 #TeamIndia | #INDvENG | @IDFCFIRSTBank pic.twitter.com/uWVpQnx3jz

  — BCCI (@BCCI) February 23, 2024

కుంబ్లే రికార్డ్‌కు కాస్త దూరంలో!
మరోవైపు స్వదేశంలో జరిగిన టెస్టుల్లో అత్యధిక వికెట్లను పడగొట్టిన రెండో ఆటగాడిగా అశ్విన్‌ కొనసాగుతున్నాడు. ఇప్పటికే ఈ జాబితాలో 350 వికెట్లతో టీమ్ఇండియా మాజీ ప్లేయర్ అనిల్ కుంబ్లే (63 మ్యాచ్‌ల్లో) టాప్ పొజిషన్​లో ఉన్నారు. అయితే 349 వికెట్లతో (58 టెస్టుల్లో) ఉన్న అశ్విన్‌ ఈ మార్క్​ను దాటాలంటే అతడికి మరో రెండు వికెట్లు అవసరం ఉంది. ఇక టెస్టుల్లో అనిల్ కుంబ్లే 35 సార్లు 'ఐదు వికెట్ల' రికార్డును అందుకోగా, అశ్విన్‌ ఇప్పటి వరకు 34 సార్లు ఆ ఘనతను సాధించాడు. దీంతో త్వరలో ఈ రికార్డును కూడా అశ్విన్​ అందుకునే సూచనలు కనిపిస్తున్నాయని క్రికెట్​ విశ్లేషకుల మాట.

టెస్టుల్లో అశ్విన్ మాయజాలం - ఆ మైల్​స్టోన్ దాటిన 9వ బౌలర్​గా రికార్డు