BJP Lok Sabha Election Campaign : రాష్ట్రంలో బీజేపీ ఎంపీల గెలుపుతోనే తెలంగాణ అభివృద్ధి సాధ్యమనే నినాదంతో ఆ పార్టీ జనంలోకి వెళ్తోంది. సిద్దిపేట జిల్లా గజ్వేల్లో మెదక్ ఎంపీ అభ్యర్థి రఘనందన్రావు రోడ్షో నిర్వహించారు. కాంగ్రెస్, బీఆర్ఎస్లపై తీవ్రస్థాయిలో రఘునందన్రావు విమర్శలు చేశారు. ఎవరెన్ని కుట్రలు చేసిన తన గెలుపు తథ్యమని విశ్వాసం వ్యక్తం చేస్తున్నారు. మరోవైపు నిజామాబాద్ జిల్లా ఆర్మూర్లోని పార్లమెంటు నియోజకవర్గం పోలింగ్ బూత్ స్థాయి కార్యకర్తల సమ్మేళనంలో రాజ్యసభ ఎంపీ లక్ష్మణ్ పాల్గొన్నారు.
రైతులను ఆదుకునే ఏకైక ప్రభుత్వం బీజేపీనేనని ఎంపీ లక్ష్మణ్ అన్నారు. పసుపు బోర్డు(Turmeric Board) ఏర్పాటుపై ఇచ్చిన హామీని నిలబెట్టుకున్నామని గుర్తు చేశారు. అలాగే చెరుకు రైతుల సమస్యలు పరిష్కారం కావడానికి కృషి చేస్తామని చెప్పారు. అందుకే రెండోసారి పోటీ చేస్తున్న అర్వింద్ను మళ్లీ గెలిపించాలని రైతులను కోరారు.
"ఈసారి బీజేపీ, ధర్మపురి వంశం ఇచ్చిన మాటను నిలబెట్టుకుందని బీజేపీ కార్యకర్తలు అందరికీ గర్వంగా చెప్పాలి. పసుపు బోర్డు తీసుకువచ్చే వరకు నేను విస్మరించను అని చెప్పిన అర్వింద్, చివరికి దిల్లీలో ప్రధానమంత్రిని ఒప్పించి, మెప్పించి హోంమంత్రి అమిత్ ద్వారా మంత్రులు అందరినీ కలిసి నిజామాబాద్లో పసుపు బోర్డు ఏర్పాటుకు శ్రీకారం చుట్టారు. చివరికి ప్రధాని ద్వారా పసుపు బోర్డును ప్రకటించారు. ఇచ్చిన మాటకు బీజేపీ ఎప్పుడూ కట్టుబడి ఉంది." - ధర్మపురి అర్వింద్, నిజామాబాద్ ఎంపీ అభ్యర్థి
2028లో 100కు పైగా సీట్లు గెలిచి రాష్ట్రంలో ప్రభుత్వం ఏర్పాటు చేస్తాం : ఎమ్మెల్యే వెంకట రమణారెడ్డి
Etela Rajender Fires on CM Revanth : ముఖ్యమంత్రి రేవంత్ రెడ్డి ప్రజా సమస్యలు పట్టించుకోవడం లేదని మల్కాజిగిరి ఎంపీ అభ్యర్థి ఈటల రాజేందర్ విమర్శలు చేశారు. నాయకులను ప్రలోభ పెట్టి పార్టీలో చేర్చుకుంటున్నారని(CM Revanth is Taking Other Party Leaders) ధ్వజమెత్తారు. గతంలో కేసీఆర్ చేసిన తప్పులనే ఇప్పుడు సీఎంగా ఉండి రేవంత్ రెడ్డి చేస్తున్నారని ఆరోపించారు.
ప్రజలు రేవంత్ను సీఎంగా చేసుకోవడానికి ప్రధాన కారణం పంటలు ఎండిపోకుండా చూస్తారని, అభివృద్ధి చేస్తారని భావించారు. కానీ వారి అంచనాలను తలకిందులు చేస్తూ నాటి మాజీ సీఎం కేసీఆర్ ప్రగతి భవన్లో కూర్చుని ఏం చేశారో ఇప్పుడు రేవంత్ రెడ్డి కూడా అదే పని చేస్తున్నారని తీవ్రస్థాయిలో మండిపడ్డారు. అలాగే మరోవైపు పీఆర్టీయూ మాజీ రాష్ట్ర ప్రధాన కార్యదర్శి చెన్నకేశవరెడ్డి బీజేపీ అధ్యక్షుడు కిషన్ రెడ్డి సమక్షంలో బీజేపీలో చేరారు.
"గతంలో అధికారంలో ఉన్నప్పుడు కేసీఆర్ చేసిన తప్పులనే రేవంత్ రెడ్డి ఇప్పుడు చేస్తున్నారు. ఇతర పార్టీల నాయకులను టార్గెట్ చేసి పార్టీలోకి మార్పించుకున్నారో ఇప్పుడు అదే పరంపర ప్రస్తుత సీఎం రేవంత్ రెడ్డి చేస్తున్నారు. ఇతర పార్టీలలో ఉన్న నాయకులను ప్రలోభపెట్టడం, వెల కట్టడం, బిల్లులు పెండింగ్లో ఉన్న, పనులు కావాలన్నా లేదా ఇతరత్రా అవసరాలు ఉన్న కూడా వారిని ప్రలోభపెట్టి పార్టీలో చేర్చుకోవడం ఈ మధ్య కాలంలో ఎక్కువగా కొనసాగుతోంది." - ఈటల రాజేందర్, మల్కాజిగిరి ఎంపీ అభ్యర్థి
తెలంగాణలో గజదొంగలు పోయి - ఘరానా దొంగలు వచ్చారు : కిషన్‌రెడ్డి
సీఎం రేవంత్ రెడ్డి సమర్థుడు - కానీ కాంగ్రెస్లో ఉంటే అసమర్థుడిగా మారిపోతాడు : ఎంపీ అర్వింద్
