Mass Maharaja Raviteja Favourite Heroine : తెలుగు చిత్ర పరిశ్రమలో మాస్ మహారాజా రవితేజకు ఉన్న క్రేజ్ గురించి ప్రత్యేకంగా చెప్పనక్కర్లేదు. ఎటువంటి బ్యాగ్రౌండ్ లేకుండా ఇండస్ట్రీలోకి అడుగుపెట్టిన ఆయన క్యారెక్టర్ ఆర్టిస్ట్ నుంచి స్టార్ హీరోగా ఎదిగారు. తన మాస్ అండ్ ఎనర్జిటిక్ యాక్టింగ్తో ఎంతో మంది ప్రేక్షకులను ఇప్పటికీ ఆకట్టుకున్నారు. ప్రస్తుతం వరుస సినిమాలు చేస్తూ కెరీర్లో దూసుకుపోతున్నారు. అలాగే కొత్త దర్శకులతో పాటు హీరోయిన్లకు అవకాశాలు ఇస్తూ ఇండస్ట్రీలోకి ఎంతో మందికి అండగా నిలుస్తున్నారు. ముఖ్యంగా ఇప్పుడు కొత్త హీరోయిన్లకు ఈయనే కేరాఫ్ అడ్రెస్ అని కూడా అంటున్నారు.
అయితే ఎంత పెద్ద స్టార్ హీరోకు అయిన ఫేవరెట్ హీరో, హీరోయిన్, దర్శకులు ఉండటం సహజం. అలాగే రవితేజ కూడా ఈ మధ్య జరిగిన ఒక ఇంటర్వ్యూలో తనకు నచ్చిన హీరోయిన్ గురించి ప్రస్తావించారు. ఆ ఇంటర్వ్యూలో అనుష్క, ఇలియానా, త్రిష, శ్రియ వీరిలో ఎవరు ఇష్టం అనే ప్రశ్న ఎదురవ్వగా - అనుష్క అంటే తనకు ఇష్టమని, ముఖ్యంగా ఆమె యాక్టింగ్ ఎంతో ఇష్టమని చెప్పుకొచ్చారు.
కాగా, రవితేజ ఇంటర్వ్యూలో అడిగిన హీరోయిన్ల అందరితో ఒక్కో హిట్ కొట్టిన సంగతి తెలిసిందే. ఇలియానాతో ఖతర్నాక్, కిక్, దేవుడు చేసిన మనుషులు, అమర్ అక్బర్ ఆంటోని వంటి సినిమాలు చేశారు. వీటిలో కిక్ సూపర్ డూపర్ బ్లాక్ బస్టర్ హిట్ అయింది. త్రిషతో చేసిన కృష్ణ చిత్రం చేయగా బాక్స్ ఆఫీస్ దగ్గర అది భారీ విజయాన్ని అందుకుంది. శ్రియతో చేసిన భగీరథ ఆశించిన విజయం సాధించకపోయినా ఆ తర్వాత చేసిన డాన్ శీను మంచి హిట్ అయింది.
ఇక రవితేజ అనుష్క కాంబినేషన్లో వచ్చిన విక్రమార్కుడు భారీ సక్సెస్ అందుకోగా ఆ తర్వాత వచ్చిన బలాదూర్ బాక్స్ ఆఫీస్ దగ్గర పెద్దగా ఆకట్టుకోలేకపోయింది. అనుష్క రీసెంట్గా మిస్టర్ మిసెస్ పోలిశెట్టితో సక్సెస్ అందుకుంది. ప్రస్తుతం క్రిష్ దర్శకత్వంలో శీలావతి అనే సినిమా చేస్తోంది. 2010లో వచ్చిన వేదం తర్వాత మళ్లీ క్రిష్ దర్శకత్వంలో అనుష్క చేస్తున్న చిత్రమిది. ఈ సినిమాలోని పాత్ర అనుష్కకు మంచి పేరు తీసుకువస్తుందని క్రిష్ చెప్తున్నారు.
ఇకపోతే రవితేజ ప్రస్తుతం పాన్ ఇండియా హీరోగా ఎదిగేందుకు ప్రయత్నాలు చేస్తున్నారు. రీసెంట్గా టైగర్ నాగేశ్వరరావు, ఈగల్ వంటి సినిమాలతో వచ్చి ప్రేక్షకుల్ని ఆకట్టుకునే ప్రయత్నం చేశారు రవితేజ. ఇవి అంతగా ఆకట్టుకోలేదు. ప్రస్తుతం హరీశ్ శంకర్తో చేస్తున్న మిస్టర్ బచ్చన్ సినిమా మీదే ఆయన అభిమానులు ఆశ పెట్టుకున్నారు. ఇప్పటికే ఈ సినిమా షూటింగ్ ప్రారంభం అయినట్టు ఈ సినిమా యూనిట్ తెలిపింది.
- " class="align-text-top noRightClick twitterSection" data="">
కుర్రాళ్ల క్రష్ లిస్ట్లో 'ప్రేమలు' బ్యూటీ- ఈ ముద్దుగుమ్మ బెస్ట్ మూవీస్ ఇవే! మీరు చూశారా?
బ్యూటీఫుల్ బేగం - ఇప్పుడీ ముద్దుగుమ్మపైనే కుర్రాళ్ల ఫోకస్ అంతా!
