Rajakar movie Anusriya Tripathi : తెలంగాణ విముక్తి పోరాటం నేపథ్యంలో తెరకెక్కిన చిత్రం రజాకార్. 1940లలో తెలంగాణ ప్రాంతంలో రజాకార్ వ్యవస్థపై సాగించిన పోరాటమే ఈ సినిమా కథ. బాబీ సింహా, వేదిక, ప్రేమ, ఇంద్రజ, అనసూయ వంటి నటీ నటులు నటించిన ఈ సినిమా మార్చి 15న రిలీజ్ అయి మంచి టాకే తెచ్చుకుంది. అయితే ప్రస్తుతం థియేటర్లలో సందడి చేస్తున్న రజాకార్ సినిమాలో నిజాం భార్య పాత్రలో ఆజ్మా ఉన్నిసా పాత్రలో నటించి ప్రేక్షకులను మెప్పించిన నటి అనుశ్రియ త్రిపాఠి. ఈ పాత్ర తనకు ఎంతగా గుర్తింపు తెచ్చిందంటే సినిమా చూసిన వాళ్లు ఎక్కువగా ఈ భామ గురించి నెట్లో తెగ వెతికేస్తున్నారు.
అనుశ్రియ త్రిపాఠి స్వస్థలం ఉత్తరప్రదేశ్లోని అయోధ్య, 1999లో అక్కడే జన్మించింది. బెంగళూరులో డిగ్రీ చదువుతున్నప్పుడే నటన మీద ఆసక్తి కలిగింది కానీ తండ్రి సివిల్స్కు ప్రిపేర్ అవ్వమని చెప్పడంతో ఒక మూడేళ్లు చదువుని కొనసాగించింది. 2018లో ఛత్తీస్ ఘడ్ తరపున మిస్ ఇండియా పోటీల్లో పాల్గొంది.
తల్లి కూడా మోడలింగ్ రంగంలో ఉండడం వల్ల కొంత కాలం మోడలింగ్ కెరీర్ను ఎంచుకుంది. అలా చాలా బ్రాండ్లకు మోడల్ గా వ్యవహరించింది. ఆ తర్వాత సినీ ఫిల్డ్లోకి ఎంట్రీ ఇచ్చింది. ఈ క్రమంలోనే రజాకార్ సినిమా అడిషన్స్లో పాల్గొంది. అప్పుడు ఈ సినిమా డైరెక్టర్ యాటా సత్యనారాయణ నిజాం బేగం పాత్రకు అనుశ్రియ సరిగ్గా సరిపోతుందని సెలెక్ట్ చేశారు.
ఈ సినిమా ద్వారా తన తోటి సీనియర్ నటీనటుల దగ్గర చాలా నేర్చుకున్నానని చెప్పుకొచ్చింది అనుశ్రియ. తనకు అనుష్క, కీర్తి సురేశ్ ఫేవరెట్ హీరోయిన్స్ అని చెప్పింది. రణ్బీర్ కపూర్, రామ్చరణ్ ఇష్టమైన హీరోలట. నగలు, చీరలు అంటే తెగ ఇష్టమట. తనకు కథ నచ్చితే ఎలాంటి పాత్ర చేయడానికైనా సిద్దమేనని అంటోందీ భామ. ఇంకా తనకు నచ్చిన నటీనటులతో పనిచేస్తే ఆ ఆనందం మరింత ఎక్కువగా ఉంటుంది అంటూ తన మనసులో మాట బయటపెట్టింది.
క్రేజీ న్యూస్ - రామ్చరణ్ RC 16లో మరో బాలీవుడ్ స్టార్!ఈ వారమే OTTలోకి 7 ఆస్కార్లు గెలిచిన 'ఓపెన్ హైమర్' - ఇంకా ఏఏ చిత్రాలు రానున్నాయంటే?
