ନୟାଗଡ଼: ମୋଦି ସରକାରଙ୍କ କଳା କୃଷି ଆଇନକୁ ତୀବ୍ର ବିରୋଧ କରିଛି ନୟାଗଡ଼ ଯୁବ କଂଗ୍ରେସ l ଏହି କଳା କୃଷି ଆଇନକୁ ପ୍ରତ୍ୟାହାର ଦାବିରେ ନୟାଗଡ ଯୁବ କଂଗ୍ରେସ ତରଫରୁ ମଶାଲ ଶୋଭାଯାତ୍ରା କରାଯାଇଛି l ଏହି ଶୋଭାଯାତ୍ରା ବଜେନ୍ଦ୍ର ହାଇସ୍କୁଲଠାରୁ ବାହାରି ଜିଲ୍ଲା କଲେକ୍ଟର ଅଫିସ ପର୍ଯ୍ୟନ୍ତ ଯାଇଥିଲା l ଏହା ଏକ କୃଷକ ମାରଣ ନୀତି ଅଭିଯୋଗ କରି କେନ୍ଦ୍ର ସରକାର ଏହାକୁ ପ୍ରତ୍ୟାହାର କରନ୍ତୁ ବୋଲି ଯୁବ କଂଗ୍ରେସ ଦାବି କରିଥିଲା l
କୃଷି ଆଇନକୁ ବିରୋଧ କରି ନୟାଗଡ଼ ଯୁବ କଂଗ୍ରେସର ମଶାଲ ଶୋଭାଯାତ୍ରା
ଏହି ଶୋଭାଯାତ୍ରାରେ ନୟାଗଡ ଯୁବ କଂଗ୍ରେସର କାର୍ଯ୍ୟକାରୀ ସଭାପତି ପ୍ରତୀକ ମହାପାତ୍ର ଓ ମିର ଅଵୁ ବକର ସିଦ୍ଧିକ ଏବଂ ଜିଲ୍ଲାର ବରିଷ୍ଠ କଂଗ୍ରେସ ନେତା ମନୋଜ ସାହୁ ପ୍ରମୁଖ ସାମିଲ ହୋଇ କୃଷି ଆଇନକୁ ବିରୋଧ କରିଥିଲେ l
ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ
