ମାଲକାନଗିରି: ରାଜ୍ୟ ସରକାରଙ୍କ ଟୋକେନ ବ୍ୟବସ୍ଥାକୁ ବିରୋଧ କରି ଜିଲ୍ଲାରେ ଚାଷୀ ଆନ୍ଦୋଳନ । ନିଜ ଜମିର ପରିମାଣ ଅନୁଯାୟୀ ଚାଷୀ ମଣ୍ଡିରେ କେତେ ଧାନ ବିକିପାରିବେ ତାହାର ତାଲିକା ନଥିବାରୁ ଚାଷୀଙ୍କ ଭିତରେ ଅସନ୍ତୋଷ ପ୍ରକାଶ ପାଇଥିଲା ।
ଭିଡିଓ ସୌଜନ୍ୟ: ସମ୍ବାଦଦାତା, ମାଲକାନଗିରି
ସୂଚନାନୁସାରେ, ସୋମବାର ମାଲକାନଗିରି ନିୟନ୍ତ୍ରିତ ବଜାର କମିଟି ଅଧୀନରେ ଥିବା ଧାନ ମଣ୍ଡିରେ ଧାନ ବିକ୍ରି କରିବାକୁ ଶହ ଶହ ଚାଷୀ ଆସିଥିଲେ । ହେଲେ ନିଜ ଜମିର ପରିମାଣ ଅନୁଯାୟୀ ସେମାନେ କେତେ ଧାନ ବିକ୍ରି କରିପାରିବେ ତାହାର କୌଣସି ତାଲିକା ସେଠାରେ ନଥିବାରୁ ସମସ୍ତ ଚାଷୀ ଆରଏମସି କାର୍ଯ୍ୟାଳୟ ବନ୍ଦ କରିଥିଲେ । ଏଥିସହିତ ରାସ୍ତାରେ ଧାନ ବୋଝେଇ ଗାଡି ରଖି ଆନ୍ଦୋଳନ କରିଛନ୍ତି ।
ଯଦି ସରକାର ତୁରନ୍ତ ଚାଷୀଙ୍କ ଏହି ସମସ୍ୟାର ସମାଧାନ ନକରନ୍ତି, ତେବେ 28 ତାରିଖରେ ଜିଲ୍ଲା ବ୍ୟାପି ଆନ୍ଦୋଳନ କରାଯିବ ବୋଲି ମାଲକାନଗିରି ଜିଲ୍ଲା କୃଷକ ମହାସଂଘ ଧମକ ଦେଇଛି ।
ମାଲକାନଗିରିରୁ ଜୟନ୍ତ ତିଆଡି, ଇଟିଭି ଭାରତ
